t as arrosé ? la fin d' l histoire

quand qui a rintré au chalet qu in avo à Merlimont, min frère j' vous dijo qui avo un regard d' coin en tindant ch' sac plastique du qui yavo ché salates ...

et y a dit à min père " ché tes dernieres salates" ,et i rajoute après et " j m a fait ingueuler comme du poisson pourri"

vla l' histoire, min frère i allo jamais vire min père "au champ" , i savo du qui éto situé , min père i li avo bin rexpliqué

" té prind ch' chemin l' long del derniere mason, té tourne al' premiere à gauche, premiere à droite et té va vire , min camp i comminche du qui a un poteau que ché un ral d' chemin d' fer "

donc min frère i déchint là bo, i suit les zinstructions d' min père, i arriffe d'vant l' parcelle i cueule des salates et pi i arpart

mais ch' dernier vendredi, i déchint parel, i arriffe al' parcelle, i cueule ché salates, et là , ya quéqu un qui éto camuché au coin d' l hayure qui yavo au bout del derniere mason del rue, et qui li tompe d' su avec sin louchet

chéto un polonais, i li tompe d' su mais mauvais, et min frère i est tout étonné .......avant qui comprenne qui s éto trompé d' parcelle ...
is' présente ach' t homme qui veut bin l' croire vu s' bonne foi
in fait ch'jardinier là chéto l' voisin d' champ à min père, mais li aussi et cha min père i l avo oublié y avo un ral d' berline planté au coin d' sin gardin pour l' délimiter .....

là min frère i a pu vire que dins l' parcelle à min père, cha faijo belle lurette que ché salattes qui avotent montées, ale zarsemblotent plus à des chicons cuits al' cocotte qu à aut' cosse

ch' voisin i s éto étonné d' vire partir des salates des' parcelle, comme y avo arpéré que chéto l' vendredi aprés midi que cha s' faijo i s éto camuché pour intercepter ch' voleux d' salates .....................

chéto pas un mauvais bougre pasque y a dit à min frère d' arpartir avec ses salates et donner l' bonjour à min père

j' me souviens qu' mes parints i li avotent acaté un cadeau à merlimont pour marquer ch' coup quand qui zallotent arvénir à bruay

comme quo té vos , ché pas permis a tertous ed' faire du gardin , et heureusemint qu'yavot pas d'rals ed' fosse pour délimiter tin gardin avec ech'ti ed'tin voisin , t'aros cor eu plus ed' surprisse