Rue d' Amont ou Rue Jules Marmottan
par minloute le, 01/07/2011j' sais pas si ch' est rue d' Amont ou rue Jules Marmottan
in tout cas j' vous mets in photo, l école d' musique, pi c' que parlo Nounours et Sopraniste d' Bruay
à savoir ch' magasin d' pompes funebes, pi l' enseigne d' la boucherie chevaline d' l' aute coté d' la rue
j' vous confirme que ch' café au coin y est ouvert, brouhaha à l intérieur in passo d' vant, et cha sinto bon l' biere , ah vinguette, j ' me s'ro bin arrété vu qui faijo djà cor caud
et la derniere photo ché l églisse st martin vue par l arriere, photo prisse d' la rue Marmottan
ej va permette d' comminter les photos d'minloute. j'ai s'permission
à côté d' l'école d'musique ché 'eune pichotière.
un cop ale ducasse j'ai eu eune invie d'picher à "mourir" in arrivant la j'ai eu vite fait d' faire demi tour in nageot dins l'pichate j'ai été uriner ché min camarate Fernand au galopin in buvant un demi.
té va m' dire nounours chéto eune excuse pour aller boire un verre? comme dit l'aute l'occasion fait l'larron.
sur l' deuxième photo, au bout d'el rue dins l' temps ch'café qui fait qui fait coin chéto pas l' meme du tout, chéto un bistrot d'eune saleté repousante l' patron chéto l'bio garchon à Ponchel l' patron du hit clup. qui soit dit in passant l' bio garchon in question chéto un formidape trompéttiste in a fait eune soirée d" nouvel an ale guinguette à Lapugnoy avant que cha soit transformé un boite de nuit i a jué tout l'nuit avec ses musiciens.
l' trosième photo, l'mason que vous veyez, derrière l'églisse, dins l'temps chéto eune sorte d' mason d' la jeunesse apparamint ché fermé.
mais avec mi i a toudis un mais. ravisez bien à droite i a eune mason dins l' rinfonchemint dusse qui a deux carettes qui sont garées dins l'temps chéto l' café tabac du "score", ché la qu'un jour d'ducasse au cours d'eune biture monstre qui devro ete marqué dins les annales que j'ai connu Guy Briche.
eune méga teuf quand on et arsorti i a longtemps que l'ducasse ale éto fermée et les gins couqués. l'nuit la j'em deminte incor commint qu'in est rintré j'ai un trou d' mémoire.
dins ch'temps la in nous ap'lo "les princes de la cuite". temps malheureusemint révolu mais in vieillissant faut savoir s'assagir!!!
( 4 photos)