lieux de perdition
par minloute le, 03/07/2011yavo 2 zindrots du qu in passo d'vant que chéto des "lieux d'perdition" , in tout cas des zindrots qui fallo meme pas raviser dins leu direction quand que j' passo d'vant au bras d'em mère
Rue des Escaliers , chéto le Temple de la communauté protestante, il avo été érigé entre 1896 et 1898
mais yavo pire, in tout cas c' que j' vous écris ché pas forchémint min jug'mint d 'asteure que j' garte pour mi, mais chéto c'que j avo artenu des questions que j' poso am'mère quand que j éto tchiot
l' pire chéto Rue de la Gare, l' Eglise Evangeliste Baptiste
ché pas comme cha que cha m avo été présenté, mais ,l' raccourci y est peut et' court , mais fallo pas que j' me trompe, meme si yavo eune croix in haut du batimint chéto pas eune églisse et des gins à fréquenter
l' souv'nir confus que chéto des faux chrétiens, ou plutot des gins qui fréquentotent eune églisse mais que d'abord chéto pas la note, nous in allo à Sainte Barbe ou à Saint Martin
et que chéto , meme si chéto pas l' terme d' l époque, mais cha m avo été présenté comme eune secte
alors quand qu in passo d' vant, pas question d' raviser in direction d' ché batimints là, et mon diu que malheur, in auro pas répondu à quéqu un d' eune d' ses communautés qui nous zaurotent invités à rintrer à l intérieur, véritape lieu de perdition , dont in éto pas sur d' arsortir vivant ...
en photo, l Eglise Evangeliste Baptiste , rue de la Gare, Bruay
( 1 photos)