plus vite qu' la musique et ch' cimetiere d' labuissiere

quand que j a armonté à Bruay, ché l' premier coup que j' dors à l'hotel

j' voulo réserver , pour ceux qui connaissent un peu ch' coin , au "cottage" l' ex " Primevére" , chti qui est pas loin du stade d' labuissière , pi del croix d' grès

à coté y a meme un magasin d' fournitures d' papéterie qui éto y a un bon momint, au début des années 80, rue Anatole France

bon j' dis ché pas graffe, j' va in trouver un aut' sur internet, j' cache et j' tompe sur l" inter hotel liberty" , situé du coté d' la fameusse Porte Nord d' Bruay Labuissiere

j' voyo bin à peu près du que chéto, enfin à peu près, donc j' em dis j' va raviser sur google maps pour miu l' situer, pouvez aller vire....

su l' photo satellite de google maps , ché cor en plein champ............

j' me dis y do y avoir eune erreur , enfin j' verrais bin j' savo que chéto dans l' coin

j'arriffe donc à Béthune, j' prinds ch' bus, et là , dins l' déchinte del coté d' Hesdigneul, j' vo au fond su la gauche toute eune zone d'nouviaux batimints, d' nouvelles enseignes dont eune grante affiche "mobilier de france " et cor derriere ch' fameux hotel " inter hotel liberty"

pour vous dire que cha construit plus vite que la musique par là bo ......

ché djà construit que ché pas cor su ché cartes .........

in fait, et j' l avo djà vu l' comminch'mint des travaux, toute l' zone qui yavo entre l'cim'tiere d' labuissiere et ch' grand rond point qui mène soit à Hesdigneul, soit à Béthune in passant devant Brico dépot, ou vers Marles et Bruay, toute ch'te zone ché construit asteure, et cha continue d' construire ..............

té peux y accéder aussi bin par ch' rond point si té vient des directions aut' que Bruay, et pour ceux qui viennent d' Bruay , faut printe l accés pour à mon Cora, quand qu in passe sous l' route nationale, et là avant ch' virache , i zont ouvré un passache pour acceder à chte zone commerciale

comme dijo min père d' sin vivant, que quand qui sero interré ichi au cim'tiere d' labuissiere , i va pouvoir intinte les promotions d' à mon Cora

autant au cimetiere du 3 ,cha donne l impression que ch est l' cim'tiere qui gagne sur ché gardins, autant ichi ché l'zone commerciale qu ale est v'nue s' installer , j' va pas dire à coté, j' pourro dire presqu' au d' sus dech' cimetiere

j' sais bin qui zont fait des espèces d' terre plein pour un peu séparer ché 2 univers total'mint opposés, d un coté l' recueill'mint et d' l'aute l' commerce à tout prix , mais j' diso à mon mononque que quand qui s' ra interré la bo, l' plus tard possipe que j y souhaite, bin y pourra profiter d' la vue su ché derniers modéles del marque Chevrolet ...

plus haut si j'me souviens bien y a un garache Renault Dacia, un garache Opel j' cro et un garache Nissan .......

enfin i sont les zuns sur les zautes

ché quand meme pour mi UN PEU trop près du cim'tiere quand meme ...

y a que ch' garache Coppola , ch' garache Citroen , qui est cor implanté au 3 , juste derriere ch' terril


pour in arvenir à l'hotel, chéto très bien, y a un veilleur d' nuit , té rinte à l' heure qu' té veux, pas besoin d artenir un digicote , accueil sympathique , et belle champe .....
j' vous dis cha , j a pas d' actions dins l' hotel , ni dins ché magasins d' carette...............

Minloute si t'avos couché au « Cottage » que j'connos bien, t'auros été à 50m de chez m'belle sœur.
Quand à « inter hotel liberty » in y a déjà couché dins ch't'hôtel là, ch'est très très bien, in a aussi déjà couché dins l'hôtel in haut de l'côte d'Hesdigneul, à gauche in montant, té dos connaît' Minloute, cha a cangé d'pis.
Pour ar'vénir à l'Porte-Nord, tous chés terrains sont déjà vindus jusqu'à ch'terril du 2bis à Haillicourt pou continuer l'zone commerciale, cha va ête l'pus grand cent' commercial d'France j'cros.