armontée dinch' nord
par minloute le, 04/07/2011pour un coup j a pris des notes, j a noté sur un tchiot carnet mes zimpressions que j a vécues d'em' déchinte d' tgv à Paris jusqu à Bruay
verrez y a plein d' cosses j' su sur que zavez vous aussi arsinti comme mi .......
arrivée gare Montparnasse à 7h20, l' ciel y est couvert, j' vo les batimints qui donnent su ché voies, pas facile d' habiter là ...
cha y est ch' train i s arrete, tout l' monte y est debout dins ch' couloir avec ses sacs, pret à marcher sur chti qui l'précéte si y faut pour sortir plus rapid'mint
ché toudis dins ché momints là et cha a pas loupé , qui a eune dame qui a du avoir eune urgence, pisque d un seul coup ale a presque crié "y a des toilettes par ici"
cor heureux Madame, nous l' porte ale s a ouvert et ché gins i sont sortis cor rapid'mint such' quai
et là "métamporphosse" , meme si té vient d avoir 7 heures d' train dint ' guiffe , que t as pas bin dormi, té rattrape ch' rythme ed ' fou, pour aller l' plus rapid'mint possipe vers les escayers mécaniques pour arriver aux guichets automatiques ou nan, du métro
cha va, j' su dins les premiers, j' avo préparé m' monnaie, et j' décite d armonter par la ligne porte de clignancourt , plus long que si té passe par denfer rochereau et qu' té cange pour printe le RER
mais j avo pas invie d' canger, vu que déjà pour attinte ché guichets d' métro faut marcher bin un kilomete ché sur, et j' peux vous dire que quand que t as pu l habitute d' circuler dins ché couloirs, t as l impression d' circuler au miyeu d' un gros boyau dont d ailleurs par momint t eut' compte que cha sint pas la rose ............
et pourtant mes gins y est que 7h30 au matin, mais ché poite , ché moite, à croire que l' odeur des d'sous d' bras d' la veille ale s'est pas cor estompée.............
aprés l agression olfactive, ché l' agression visuelle, les memes panneaux publicitaires répétés dans chaque station , dins chaque couloir, j' appelero cha d'la marteauthérapie
j a du vire au moins eune vingtaine d' fois,eune publicité pour eune vodka, et pi eune publicité pour du ricard ou du pernod
mais la preuffe que meme aprés l avoir vu 20 coups ché pas cor rintré dins m' tiete j' sero pas vous dire quelle marque d' pastis chéto in fait .......
j' compte les stations, 14 au total, y a pu qu' sin mal en patience à printe
à chaque coup que ch'métro i s arrete , et que ché portes ale s ouvent et s arferment, j intinds un ébeulé, ouais ché l' terme, i do ete 2 wagons plus loin , qui in profite pour heurler à toute blinte such' quai juste avant qu on arparte .....
au hasard des estations cha monte plus ou moins, autant Cité ché calme pasque ché l' matin ,autant à Chatelet les Halles ya toudis plein d' gens qui rintent et qui déchintent
"ravisse pas ché gins minloute, ravisse pas ché gins", j a pris l habitute dins l' sud ouest d' raviser ché gins sans penser à mal, mais té fait pas cha à Paris ...
si té ravisse quéqu un ché comme chi té lui cacho des noises au pire, au "miu" tel' drague .............
alors j a ravisé au loin , sans rien vire, accroché am' barre, in ravisant à chaque arret l' nom del station, et in espérant rapid'mint artrouver l air frais
Strasbourg st denis, parel , tout comme aux halles, y a beaucoup d' gins qui montent et qui déchintent
mi qui vient pu d'puis un momint ,et cela dit sans racisme primaire, j' su surpris d' vire tant d' noirs, j' sais bin qu in écrivant cha in n a qui vont vouloir hurler au loup, soit pour m ingueuler soit pour aller plus que dins mon sens, nan ché que dins l' sud ouest , in in vo pas autant , je ferme la parenthèse , point barre
sur un banc y a deux clochards qui cuvent, am'mote i sont cor in train d' finir leu nuits, i zont profités d' l ouverture d' la ligne au public pour v'nir s' mette ichi au chaud et finir d' cuver
cha y est Gare de l' est et asteure, gare du Nord, j' déchinds ichi