grignotées au fil des ans .......

in m' dirigeant vers le 3 in v'nant d' la buissiere par la belle au bois, j' su passé par la rue Florent Evrard


là , su la gauche, i sont in train d' construire un immeupe d habitation au bord d' la route

ché au coin d' la rue du Creusot , j'em décite à armonter l' rue du Creusot du qui yavo un coron tout l' long qui épouso l' forme del colline

d' un coté, rue du Creusot, cha raviso vers la buissiere, et d' l' aute coté , vers l' centre ville, chéto rue d' Fives

j éto djà arpassé par ichi y a queques zannées, ch' coron i yavo comminché à et' abattu par l' bas

pi ché démolitions i zavotent arrété à peu près au miyeu del pente ....

ichi i n in reste pu que 3 masons d' chaque coté, l' reste du coron i s a fait grignoter au fil du temps

mi cha m' serre toudis un peu l' coeur quand que té vo d' zhabitations comme cha

leur sort y est scellé à ché zhabitations là, ale zattintent l' coup d' grace

in passant d' vant ché masons j' m a arrété, j a intindu l' bruits des zinfants qui juotent au ballon dins l' cour, ch' père courbé in deux dins ch' rangs d' porions dins ch' gardin, ou in train d' soigner ché coulons dins eune d' ses barraques, sin domaine à li ...............

j' pinse à vous ché rois du gardin , si vous arvenotent aujourd hui........... ché sur que la nature ale arprint vite ses droits

in l' sait nous ché jardiniers, in sait que ché eune lutte d' chaque instant cont' ché mauvaisses herpes ..... alors là , qui y a pu personne ............

à l étache, des pleurs d' bébé, plus loin cha sint bon la soupe , in s' dit "in n a qui vont s' régaler au soir" ...

asteure y a pu personne, alors que j' me souviens rue d' Fives, ché dernieres photos , y avo plein d' jones qui juotent juste en face, au football, vu qui avo sacré espace herbeux entre la rue d' Fives et la rue de Commentry.....

ché tout un quartier qui disparait ....

grand merci pour el reportache photos ed Minloute. Mi quand ej j'vo che maisons qui comminchent a êtes abattues, ch'jravisse ché restes ed tapisserie qui sont sur ché murs. Ché bête vous allez m'dire mais cha m'rapelle el tapisserie qu'yavot ché m'grand mère rue des écoles. Ché un souvenirs qu'y'est cors bin présent in mi.

Mi qui ar'monte à Bruay presque toutes les s'maines, j'ai pas un n'vue comme minloute. Li peut vraimint dire c qui cange. Ché comme un gamin qu'in vo tous les jours, in l'vo pas grandir. Les photos d'minloute et ses commintaires sont vraiment excellents.
Ché pas un coup ed brosse à reluire qui j'y passe car quand j'ai quicosse à y dire j'y dit. Continues Minloute et merci.

ché eune question d ailleurs que j avo évoqué avec Sopraniste d' Bruay, en face d' la rue d' Fives , yavo un trottoir et aprés un grand rectangue de verdure, qui correspondo voyez à l' emplach'mint d eune série d' masons dos à dos comme rue du creusot et rue de fives

alors est ce que quéqu un auro des souvenirs ou ptete des photos , pour savoir si y a eu dans l' temps un coron qui déchindo entre la rue de fives et la rue de commentry

pour mi ché possipe, vu que ch' quartier i s appelo l' coron des veuves, et j' me souviens que rue de commentry, du que m' mère ale éto née en 1920 chéto des tchiotes masons, un peu comme ché corons in d'sous del fosse 4, ché masons abattues et parralèles à la rue alfred leroy

ché possipe qu in a construit là des masons et qu in les a abattu vers 1922, pasque j' sais que ch est à ch' tépoque là que mes grands parints i zont déménagés rue de Chatelerault, pour arriver vers 1924 rue Anatole France

in a pu les zabatte rapid'mint pasque, in in parlo avec Sopraniste d' Bruay, la faille de Ruitz ale passe pas loin

y a qu à vire Rue Anatole France, y a bin 2 indrots du qui a des masons qui ont été abattues

parel rue d' isbergues, parel rue de montataire .....

alors soit qui eu un coron et qui a du et' rapid'mint abattu vu qui avo l' faille d'ruitz, soit y a jamais rin eu , vu que l' sol i éto pas stable pour y construire des masons

affaire à suive

Rue de Fives, ch'est là que m'femme alle a grandi, sin père i avot un pigeonnier passe qu'i étot coulonneu.
S'maison ch'est première qui n'a pas été abattue, tout s'qui va vers el bas cha a été rasé, cha i a fait un sacré coup d'vire sin coron comme cha, mais s'maison alle étot cor là.