carrefour des alouettes et aventures 3

zallez dire , i babelle, i babelle, mais i parle pas du carrefour des alouettes, i nous zintraine dinch' bo d' labussiere ..

j y arriffe mes gins, là parel, j avo pretexté que j allo vire un camarate qui habito rue des fauvettes


d' là , in avo not' parcours et not' destination in fait .....

in prenno la rue d' Anjou, la rue de Gascogne, et in allo aterrir rue Raoul Briquet

là chéto là qui fallo pas s' faire printe , min père ou quéqu un qui nous connaisso yauro pu y passer in carette, meme si in savo pas pourquo qui s'ro passé par là, mais ché toudis du et quand qu in s y attind pas qu in s' fait attraper

donc in éto prudent, in avo un but , chéto d arjointe ch' marchand d' juets et d' bonbons qui y avo au coin, mais nous chéto pour les farces et attrapes

d' ailleurs dinsl' devanture, dins l' vitrine, té voyo des paquets d' pétard décolorés à forche d'ete exposés au solel, y avo aussi l' coussin péteur, cha cha nous faijo rire, pi là chéto plus "osé" yavo ch' pot d' moutarte que quand té l ouvro yavo un zizi monté sur un r'sort à l intérieur

j' vous parle pas des pots d' champe pour les mariaches, in ceux qui avotent un "manche" particuyer ...........

ni les araignées in plastique qui pindotent derriere l' vitrine

chéto min camarate qui rintro les acater, in avo mis in commun not' argent d' poque d' la s' maine, et i avo acaté pas mal d' pétards

l' plus dur chéto pas d acater des pétards , cha chéto courant, mais et ché vrai, chéto pour nous nous procurer eune boite d alleumettes, ou miu un briquet

pasque chéto pas question pour nous d' acater eune boite d alleumettes, l' meme dame qu at' vindo les pétards sans problemes , ale t auro jamais vindu eune boite d alleumettes

alors in s éto arringé, j' m éto arringé à in voler eune à min frère, savez ché tchiotes boites d alleumettes d' la SEITA, que t acato cha par paquets d' 10 ou d' 20

chéto des séries, j' me souviens qui yen avo que such' couverque y avo l'dessin d un avion d' guerre d' la guerre 14/18, biplan, triplan, j éto incollape ach'momint là ...

vous raconter cqu in faijo avec ché pétards , l' avez tous fait , donc j' va vous passer cha , par conte, un coup min camarate i m a montré un truc qui avo acaté là bo et qui m avo bin troublé ........

quand que j' dis qui l avo acaté là, j' pinse qui l avo piqué à sin frère ou acaté à quéqu un d aute, pasque j' pinse pas qu in auro pu l acater nouzautes

chéto un jeu d' cartes, mais d'sus chéto escusez me l expression ,"chéto des femmes à poil"

autant asteure à 10 ans avec l' télé i zont presque tout vu, autant nous à 13 y a 40 ans , chéto cor "il est grand le mystère de la foi"

et d' vire ché photos avec des dames souriantes, des brunes, des blondes, des qui zavotent les gougouttes in obus, d' autes des ballons d'football, in éto tout émotionnés

par conte j' vous rassure, ale zavotent cor del pudeur ach' momint là les garnoules qui étotent photographiées, ale zétotent souvint d' coté , ou sul' dos , in tout cas dans eune position qui nous permetto pas d' in connaite grinmint plus su leur anatomie intime ......

les temps ont bien cangés ....

Ch'marchand ed farces et atrappes chéto el Bazard Soleil. juste à côté ch'marchand ed cycle Michel CHOQUET qui étot à L'U.S.F section football et sur el minme trottoir el boucherie charcuterie DEBUYSER.