des pates des pates oui mais des

zavez répondus "des panzani" , j in su sur ....

ché la qu in vo l' matraquache publicitaire qu in a archu d' puis eune quarantaine d années ..........

in a fait ach' momint là del publicité pour dire qu in metto chinq oeufs au kilo

in a meme fait arviffe Don Camillo sous l' nom d' Don Patillo pour nous vinte ché fameusses pates "italiennes ".................

d' ailleurs asteure ché d'venu normal d'dire ou d' penser que ché meilleures pates ale viennent d ' Italie ...

nous dins les années 70 , m' mère ale acato soit des pates d' la marque COOP à la coopé, chéto alors dans un sachet plastique transparent ou alors des pates d' la marque RIVOIRE ET CARRET

savez RIVOIRE ET CARRET , que sul' boite en carton y a l' dessin d eune ménagere qu ale goute ché pates avec eune cuillère ......................

paquet à dominante bleu, avec du rouche et un peu d' blanc, cha y est bleu blanc rouche cha sinto bon la france

à la meme époque yavo les pates LUSTUCRU , sacrée marque que Lustucru .....

paquet à damier bleu et blanc, sul' publicité chéto marqué en grand que chéto des zeufs frais

mais in n in mingeo pas des Lustucru al' mason, m' mère ale dijo que cha collo quand qu ale les cuiso

Quand que m'mère ale faijo des pates , min père qui éto à ch'val su l' gout des pates i dijo toudis " pour chacun pour chacune Pates La Lune"

mi j' comprenno pas c' qui voulo dire, jusqu au jur qui m a expliqué qui yavo dans l' temps des pates alimentaires qui s' appelotent La Lune

aprés y avo des pates d' grante qualité , chéto les Pates Alsaciennes, y avo 7 oeufs frais au kilo ........

pi tout douch'mint avec le develop'mint des supermarchés, l' offre ale a cangé, ale s'est diversifiée, pi ya eu eune invasion d' ché marques italiennes .....

et surtout l' matraquache publicitaire , des paquets plus affriolants, des offres de lancement, des gadgets, des concours , des points fidélités à découper su ché zemballaches

et tous in a dit "qui dit pates, dit Panzani, Panzani, Panzani....."

quo que voyez comme l' publicité ale est bin faite, Panzani chéto français ..............

avant de s'appeller panzani cha s'appello scaramelli y avo eine usine à Marseille