y en a pu asteure dins ché gares
par minloute le, 08/08/2011alors question quo qu in trouvo avant dins ché gares et aussi ach' pharmacien, et qu asteure in in trouffe pu ...........
dins ché gares et ché pharmacies ? eh ouais mes gins, chéto des balances pese personne......
fallo monter d' sus pi là, d' vant nous ou au d' sus d' nous si in éto pitit , l' flèche del bascule ale s affolo pour enfin se stabiliser ........
chéto un moyen aussi bin dins ché gares ou al' pharmacie, pour faire passer ch' temps à ché zinfants .....
mais yavo un hic , chéto payant ...fallo mette eune pieche dinch' crincrin pour que l' plaque au sol ale s' décite à soupeser l' personne qui s' metto sur elle
té pouvo essayer d appuyer d' toutes tes forches, si t avo pas mis 1 franc , cha marcho pas
zallez dire 1 franc rin que pour s' faire peser, pas grinmint d' gins i l' f'rotent ....
chéto sans compter (déjà) sur l esprit pervers des concepteurs d' ché machines là .....
si teut ' faijo peser, t avo dro à un ticket cartonné, d' la taille d un bon point, d 'ailleurs chéto pour rappeler cha qui zavotent mis cha in plache
mi j avo eu dro à m' faire peser eune paire d' coups rin que pour in fait avoir l' tchiote imache
meme que là j éto plutot incrédule invers mes soeurs, pasque sur l un des tickets , chéto un avion, mi j' dijo un coucou, des frères "vricte" , enfin mi j' dijo comme cha , chéto écrit " biplan des frères Wright"
mais mes soeurs qu ale zallotent au lycée carnot ame faijotent répéter ch' nom là eune paire d' coups rin que pour m' moquer d' mi
après am' dijotent , nan in dit "Llouate" , mi j' éto persuadé qu as' moquotent d' mi
j avo d'mindé am' mère d' faire l' arbite, mais là ale m a dit que elle et l inglais , cha faijo dousse ..........
ché distributeurs d' confiserie chéto des appareils in fer, qu'in treuvo dins ché gares, stations d' metro ou des fos ché les commerçants, soit accroché au mur ou sur roulette.
i in avo un ach' bureau d'tabac such' boul'vard Basly.
i suffisot d' mette un franc dins l' tirelire et tirer sur l'languette.
i avo les memes à ché ducasses. la chéto des babioles ginre médaille peace annd love, des insignes de l'armée, qu'in collo à nos jeans, des bijoux in toc pour ché garnoules etc..
i a in truc qu'in faiso chéto d'essayer pour ceux qui avotent des fins dogts d' récupérer l' dite babiole d'el boite qui avo derrière.