Les jardinsmes Lego
par Nounours 94 le, 12/08/2011Minloute y avo sin Mécanno qui avo pas ker, mi j a A DO RE juer avec mes Légo........
el' première boite qu' j ai eu, j' devo avoir 8 ou 9 ans
chéto mes parints qui m' l' avotent acaté pour min Noel
alle éto pas bin grante : juste assez d' briques pour construire eune mason
j' avo quer juet à cha ...
alors, au fil des années, quand que j avo min diminche, j' allo acater des tchiotes boites au marchand d' juets, in bas del cote du 3, pour l' faire évoluer ...
d' eune mason, j' su passé aux corons .....
insuite, j' ai eu un moteur avec eune télécommante , c' qui m a permis d' construire un train , et l' villache qui allo avec ...
un jur, avec min camarate Serche, in a eu l' idée d' construire un chevalet , savez avec l' cache qu ale monte et qui déquind ...
i suffiso del met' au bord del' tape et cha fonctionno très bien
j' ai meme créé m' n' intreprisse d' démolition...camions , bulldozers etc ...
el' seule cosse que j a jamais réussi à construire, ché un manèche , et pourtant cha a pas été faute d' essayer
inch' temps là in avo pas grand cosse mais in s amuso bin quand meme et cha forcho à avoir d' l imagination ...
ej' l ai eu jusqu à l' ache d' 13 ans , et j' m in su séparé quand qu on est arrivé en région parisienne et j avo eune aut' passion qui m' titillo , mais là ché eune autre histoire
