au carrefour des alouettes

ché eune carte postale que j a ker pasqu in y devine c' qu a pu et' Bruay y a 100 ans , bien loin d' la torpeur et d' l engourdiss'mint actuel

in y vo du monte, d' l activité , du mouv'mint et d' la jeunesse aussi

in éto loin des normes d' pollution d' asteure, rin qu à vire l' finquée qu ale sort del' quéminée, t avo pas interet à avoir tes draps dins ché gardins alentour à ché momints là

i devo y avoir dans l air ch' t odeur caractéristique, un peu acre, du carbon qui brule

j' relativisse aussi au niveau del pollution, ché sur que cha devo pas et' bin bon d' respirer cha, mais in n éto pas arrivé au niveau mondial au niveau asteure du qu in est in train d' vire les ché icebergs fonde au niveau du pole ................

nan, chte finquée, ché qu'minées in action , chéto j allo dire "dans l' air du temps" ...............


such' chevalet su la droite, y a meme des rinforts in bo pour soutenir la structure .....

photo d un aut' temps, que j' voudro pas sacraliser nan plus, pasqu in est non plus pret d' l époque d' Germinal que d' not' époque actuelle

qui a eu inter temps , des conflits sociaux et des grèves pour améliorer ou tout au moins garantir ché salaires

et que les conditions d' traval avant l' devel'op'mint d' un outillache mécanisé et performant, étotent cor très pénipes pour ché "houilleurs" ...

"houilleur" ch est l'"bio terme" , l' "terme du diminche", chti qu in utilisse dins les documints administratifs comme les actes d' mariache ou les naissances, pour désigner la profession d' mineur ....

chéto aussi el début del pollution, el photo elle est significative je m'souvin quand ech passo devant el fosse3 avec eine quemiche blanque quand ech rinto el quemiche elle allo directo al lessiveuse
enfin fallo pas s'plainde vu c'quin vo asteur

pour arvénir a chés bieaux mots comme
"houilleur", j'avos in copine qui travallot à l'hosto d'Lens comme fille de salle (al faijot ch'ménache) et y avotent cangé ch'nom , in femme d'entretien , cha fait plus bieau mais chétot pas miux payé , bin ch'te copine quand in y d'mandot s'qual faijot , al répondot " serpillothérapeuthe ,
ché comme cha qu'j'appelle el femme ed' ménache , et cha l'fait bin rire