la Rocade

ou plutot j auro du dire la "rocate" , enfin ché comme cha qu in l appelo .........

ch' te voie qui permetto d' arlier Bruay à Lens ...............

qu ale a eu mauvaisse réputation, et in peut dire hélas que chéto fondé

as' deminder pourquoi d' ailleurs i l' l' ont laissé longtimps simplemint à 2 voies ..................

mon diu si in devo faire l' resens' mint d' tous les asquidents mortels qui a eu such' te route

dés qui yavo du brouillard té pouvo et' sur que l' lend'main in in parlo dins les pages intérieures d' La Voix du Nord, avec l' photo des carcasses d' carettes à l appui .....

ché eune route qu ale permet ché vrai d' gagner du temps mais ale a toudis été dangereusse

y a un endrot si j' me souviens bin l' rocate ale passe au miyeu d un ancien terrain d' foot, in voyo cor ché buts d in coté y a bin asteure ........ouh la la , plus d' trinte ans .....

l' particulatité aussi d' la Rocade, et ché un peu c' qu in vo dans l' sujet précédent du qu in vo eune carte postale d' Houdain datant des années 50 , ché que si t arveno d' Lens et que teut' dirigeo vers Bruay, in avo l ' impression à partir d' Aix Noulette, que ch' te voie ale faijo la frontiere ...

su ta gauche ché l' ancien Artois, avec ché collines , ché patures, quequ' cinses aux toits in vague , quequ' forets, pi su la droite ché l' bassin minier, chte lanque industrielle qui vient s' terminer aprés Houdain, Bruay, du coté d' Calonne , d' Auchel et d' Marles

à gauche ché tchiots villaches, à droite ché align'mints d' masons, ché agglomérations , ché terrils ...............

inter temps ché chevalets zont presque tous disparus, ché qu' minées ale s'sont éteintes avant d' ete abattues .......

paysache qui surprind pour quéqu un qui est pas del région, difficile d' li expliquer que nouzautes quand qu in arvient du sute et qu in vo, so in train, so in carette nos terrils à l ' horizon, commint vous dire, in pousse comme un ouf d' soulag'mint, in sait qu in est chez nous ........... j'peux pon dire miu.....

on l'appelle aussi l'rocade minière. pour aller sur Bruay sur la gauche j'en sais pus à que indrot i avo eune usine qui fabriquo j'en sais pu trop quoi, minloute i dot sin rap'ler i pourra peut ete nous préciser l'indrot et que usine i s'agissot, mais j'em rappelle que les tots des masons i z'étotent tout blanc, j'em deminte commint les gins faisotent pour faire séquir leur linche et s'qui devotent respirer.

juste avant d'arriver à Bruay sur la droite i a une zone pavillonnaire i dot avoir 6 ou 7 masons au bout dins l' rinfonchemint i a eun cabine téléphonique sur une tiote plache.
un vrai piège à c....

ben ouais sur l'rocate l'vitesse est limitée à 90kh avant d'arriver à 200m ché 70 et la ché 50.
souvint i avo et peut ete cor eune carette d'muchée avec un radar. combien d'gins ont et du s' faire printe. heureusemint que dins ch'temps la l'permis à points n'éxisto pas.

quand j'arrife à Bruay j'en tourne jamais à droite pour aller dins l'centre ville. nan ej préfère aller tout drot pour attraper l'avenue du 5 dont i n' reste pus grand cosse ni fosse, ni terril, idem pour l'cantine Pouchain eune tiote cité minière et j'in profite pour disons faire un arrêt pipi sur l'plache Marmottan au galopin ché min camarate Fernand et in face à mo d'Autriche ché Marie-Claute, acater des fleurs au fleuriste à côté ben ouais ech ti del rue Paul Daguercart d'mon camarate Serche i freumé d'pis longtemps.

armonter l'côte du 3 bifurquer rue Victor Hugo, et j' m'arrête au cimetière fleurir mes proches tout in jétant un eule such' terril d'aller in sortant raviser s'qui reste d'el rue d' bellevue et direction le terminus ché matante Louisa ché la que j'ai m' champe d'hôtel ou putôt ch'canapé d'el l'salle à minger.

Pour Nounours, au sujet ed' ché maisons blanq'...in vénant ed Lens vers Bruay, avant el sortie vers Barlin d'un côté et el Parc d'Olhain sur la droite, y est vrai que ché maisons avottent pris el couleur du ciment, vu que dinl'coin y avo en' fabriqu' ed chimint

pour nounours, ech voulo t'dire que l'fleuriste del plach marmottan, isabelle, ché l'fille à tin camarate fernand qui tient L'Galopin et pi aussi, ech supposse que t"as su que l'frère à Marie Claude, l'ancien maire d'Haillicourt, Alfred, yé décédé juste avant l'été, chéto un excellent homme qui n'avo pas oublié nou corons