sujet marronnier l école

un sujet "marronnier" ché des éven'mints qui zarviennent chaque année et qu in traite à chaque coup

zin voulez , ché comme Noel, les crèpes à la Chandeleur, le départ en vagances, l' nouvel an, ché résultats du bac ......

mi min souv'nir lié al' rintrée des classes, j' la djà dit, mais chaque année , quand qu arriffe l' date d' la rintrée des classes , j y arpinse à chaque coup

j' m arvo un aprés midi pour mi au mo d' juin , donnant l' main à m' mère et qu in éto in train d armonter l' chemin des Tombelles

l' chemin des Tombelles chéto l' voyette qui permetto d' arjointe rapid'mint d' la rue d' Denain à la rue des Frères Caudron, pour déchinte sans détours place Lherminier pi au centre ville, par ch' pitit pont qui passo sous l' vo d' ch'min d' fer

là in armonto ch' fameux chemin des Tombelles, j avo lu d ailleurs que cha s appelo comme cha pasqui zavotent trouvé dins ch' coin des tombes mérovingiennes si j' me trompe te pas

in longeo donc ch' mur d ' enceinte , l' mot y est pas galvaudé qui intouro les batimints d' l école Loubet

in longeo l école des Filles pi in déboucho rue de Denain, de là , in s éto arrété d' vant ch' portillon metallique , "ché là qu' té va passer quand que té va aller à l école à la rintrée" qu ale m avo dit m' mère

j' sais pas si j a pas cor serré plus fort s' main, j a jamais été à l école avec grand plaiji faut l avouer ......


grand silence, personne dins l' cour, j' ravisse à l intérieur par un espace qui a dins l' porte , oh un espace pas bin larche, mais cha m' permet d' em ' donner eune idée d ' l' imminse salle d' récréation qui m attind , sans grand enthousiasme .................


asteure quand que j arpasse devant, j' peux pont m impecher d' m arreter d' vant chte portillon, im dijant que ch est là que tout y a comminché .............

j'connaichos pas ch't'espression la , mais dis donc et'photo al date ed' quand , passe qu'el porte al b'soin din sacré coup d'peinture