cor un signe ...

j' a ravisé hier l édition in ligne d' la Voix du Nord, Bruay Labuissiere, et y a un artique qui m a bin fait busier

in y parle des travaux d' réfections qui va falloir intreprinte à l' église St Martin, avant qu ale so pu dins les normes d' sécurité ...........

somme importante, qui va falloir qu' la mairie ale débourse pour assurer la pratique du culte catholique à Bruay Labuissiere ...............

ché quand meme un signe, quand qu in a connu la chapelle Sainte Barbe, l' église St Martin, l' église St Joseph, sans parler d' la chapelle polonaisse ............
dire qui yavo des messes l' sam'di soir, l'diminche tot, pi l' "grand messe" d' onze heures .............

qui yavo prétore d' pretes su la paroisse, sans compter ché soeurs qui s occupotent in tr'autes d' l' hopital Sainte Barbe ............

d' vire qu in va devoir entreprinte des travaux pour continuer d'exercer l' culte à Bruay , cha laisse réveur ...

j' vous parle pas du nompe d' messes , cha ché réduit à pio d' chagrin, sans parler d' la fermeture d' la chapelle Sainte Barpe , racatée par la mairie .....

ch' est sur que l' nompe d' praticants y a fait eune chute vertigineusse, vu qu in grante majorité, y pas grinmint d arnouvel'mint d' population au niveau des fidèles, ou tout au moins meme pas dans dins des proportions pour équilibrer la balance ......................

au delà des activités économiques, du départ d' eune partie d' la population qui a parti cacher du traval ailleurs, au delà du vieillis'mint d eune population, in vo meme qu au niveau d' la célébration des offices religieux, ché in train aussi d' réduire fortemint et que ché aussi un signe qu eune page as' tourne

avant nos parints nous z'obligeotes a aller al messe . mais achteur in va pas obliger nos jeunes a y'aller , ils préfères aller in boite de nuit , cha rigole plus qu'a l'messe .
quoi qui va in faire el vatican es tout l'argint qui la ? i déboursse jamais un centime pour intret'nir ces z'églises .
et pour aider ché malheureux , ils leurs donnent que des belles paroles , cha cha coute rien ! que d'el salive .

mi j'ai connu l' paroisse Sainte Thérèse rue Basly presqu'in face d'el mason qui bale. j'habito juste à coté ché la que j'allo au catéchisme juste derrière. n'rigolez pas mes genses Nounours i a fait s' première communion quand à ale solenelle j'ai pas cor archu l' convocation.

pourquoi l'avoir rasée? peut ete par manque d'fidèles et aussi peut ete à cosse d'el fermeture d'el fosse .
un quartier qui s'est dépeuplé pus vite qui a vu l' jour. pourtant chéto eune belle paroisse.

asteur ché Bruaysis FM du moins s'qui in reste. ej va cor m'égarer un instant pour pousser un cop d'gueule..
l'radio ale a été vindue faute de recettes publicitaires suffisantes.
tous ché bénévoles ont été foutus ale cour pourtant un bénévole cha n'coute pas ker.

l'émission polonaise du lundi exit celle d'el voyante l' mercredi à dégager j'in passe et des meilleurs un raz d'marée total

diminche passé j'em dit tiens ej va aller acouter comme cha in passant et la j'ai failli quéyir ale rinverse.

dins un temps pas si lointain les animateurs(trices) parlotent français mais i avo not'accent patois s'qui faisot l' charme d'el radio et là surprise.
l'animatrice parlot bien l' français mais sans l'accent patois cha auro pus s'arrêter la. mais l'pus bieau reste v'nir.
l'animatrice ale devo soit avoir avalée un oche ou eune arête d'travers.
extrait d'interviou.

-je, je, suis heu,heureuse que vous, vous, heu soyez heu, mon, mon invité ce, ce comment dire heu, ce, heu, dimanche matin.
sans commentaire..
ché véridique mes gins

j'ai été DJ et animateur meme si j'auro été in guinse in animant mes soirées j'auro jamais bégayé autant.
j'éto près à li phoner pour qu'ale fasse s'n'émission in cantant

ej cro qu'el 3 avec cha i a eu ch'cop d'grâce.
bien qu'ej'l'ai à 40 t'ans j'ai honte d'em ancien quartier.
à qui la faute?
ej vous laisse juge.

i a 4 t'rans ej sus allé malheureusemint à l'interremint d'el mari d'eune de mes cousines à l'églisse Saint Martin.
i avo pas d'curé chéto 2 garnoules qui parlotent de j'en sai trop d'quoi.

l'prob' ché que j'avo veillé l'corps tout l'nuit j'éto mate et s'qui i devot arriver arriva j'em su indormi dins l'églisse.
ché min vijin d'cayelle j'en sai pus qui, qui m'a réveillé à la fin d'el "messe" pour aller bénir l'cerceuil.

ché peut ête parce que in a forché chés gins à aller à l'églisse qui s'in sont détachés de la religion . cha n'amène pas grand'chosse non pus, tout se résume à l'argent , la religion n'i échappe pas in commerce dont in n'parle pas , et cha in a pas trop querre.

min garchon qui étot in ménache ch'curé n'a pas voulu baptiser s'tiote , j'espère que t'es vos l'portée du refus dins la famile . deux pétits infants sur sept sont baptisés , eune pétite file qui a voulu faire s'communion , et m'file quand al s'a mariée al a fait baptisé sin pétit in même temps , les autres nan l'église connaissent pas et ché in sujet qu'in aborde jamais