Les jardinsun diminche matin d'hiver dins ch' coron
par nounours-94 le, 25/09/2011i est huit t'heure du matin ché l'heure de s'léver. malgré l' brouillard, et qui a gélé tout l'nuit, l'solele i perche à travers ché doubles rideaux.
i fait frod dins les champes malgré les portes restées ouvertes.
ech' père i est déjà in bas intrin d' dégroger l'cuisinière et aller jéter les cheines dins l'voyette d'gardin et d'rinter du carbon. pendant qu'el mère ale préparer l' déjeuner
café au lait , chocolat, pain, confiture etc..
les infants déquintent avec cor des cacasses plein leurs yux
tout l' monte s'met à tape in mingeant dins un silence religieux..
ché l'heure de s'laver un cop d'gant d' toilette à l'évier d'el cuisine pour les tiots et un champouinache avec des oeufs pour ché garnoules pus âgées, pendant que l' mère ale épluche ché légumes pour préparer ch' bouillon.
pendant ch' temps la après avoir été aller faire un tour dins sin gardin ch'père prépare sin costume pour aller porter sin tiercé.
après les infants ché l'tour d'el mère des s'laver et d's'habiller ché l'heure d'aller à l'églisse, et au cimetière fleurir ses proches.
in mettant sin gros mantiau et in profiter pour faire aller s'lanque
du genre:
-i a cor ben gélé ché matin. ou t'a vu untel qui est mort hier i n's'a pas vu "partir"...
i va ete 1h ben ouais l'diminche in minche pus tard.
temps d'décoper l'lanque rassaquer ché légumes, mette l'tape i va bétot ete 2h quand i z'auront fini d'diner. les infants tout in allant juer dins ch' coron queminchent à pinser au lundi matin à l'heure qui va falloir s'léver pour aller à l'école.
à suivre....
