la polio
par minloute le, 29/09/2011chéto eune maladie bin cor présente dans les années 60
mi , infant chéto très étrange et surtout inquiétant à vire des infants porter ché zapparels, pour mi véritapes instrumints d' torture , in tout cas peu esthétiques
attelles in fer , maintenant leu gampe dans eune gangue solite
et souvint eune chaussure "monstrueuse" à un pied qui dépareillo l 'ensempe , comme eune godasse d' pied bot
infants souvint chétifs, blancs d' piau , de qui ins' moquo pas
j' pas dire qu in éto des zanges, mais chéto tel'mint "pas normal" à vire, qu in évito d' s in moquer, et j' diro meme d' les fréquenter
in savo vagu'mint c' que chéto, pasque chaque année, in avo dro à vinte soit des timpes pour la tuberculosse, soit pour la polio
chéto aussi eune époque du qu in les raviso d' loin, pasque meme si chéto pas contagieux, in savo pas si cha l éto pas quand meme, et comme in diro asteure "yavo l devoir d' précaution" , et in laisso souvint le chétif dins sin coin ou tout au moins in allo pas vers li