m' première cigarette
par nounours-94 le, 05/11/2011l' première cigarette, ché comme sin premier flirt cha n's'oublie pas.
comme d'hab' faites comme à vous mason armontez eune biére d'el cafe, mettez vos lorgnons, assoyez vous et lisez.
j'avo 11ans j'em rapelle chéto un soir pendant les grantes vagances j'avo l' permission d' sortie jusqu'à 10 h. chéto eune P4 ej sus allé l'finquer avec min camarate Serche rue d'Saint Omer in bas d'ech camp in face d' l'école Félix Faure.
quand j'ai avalé l' première saque, j'ai cru vire m' grand mère in communion.
ej l'ai fini tant bien que mal, mais l' problème ché qu'in éto à vélo, quand j'ai voulu armonter d'sus impossipe d' pédaler mes gampes chéto pire que du coton j'ai réussi quand meme à rintrer in espérant que mes pinrints étotent couqués manque de pot...
quand i ont vu que j'éto blanc comme un mort i z'ont compris, té parles Charles ej puo l'tabac in plein nez, j'ai été quitte pour une bonne danse et privé d' sortie pendant eune semaine.
cha m'a servi d'leçon la preufe:
l'semaine d'après j'arquemincho.
in i arpinsant j'em dit m... qu'esse qu'on peut ete bête quand in est gosse.
mais comme disos Jésus sur la croix:
pardonnez leur ils ne savent pas se qu'ils font.
j'me souviens quand j'allo au c.e.s j'avo pas mal de copains qui fumottes in douce et leurs parints .
mi ché pas l'truc que j'faiso , malgrès qu'in m'diso super actif , cha m'diso rien.
j'ai comminché a fumer a 17 ans mais j'ai vite rattrapé l'temps perdu, malheureusemint. mais j'ai réussi a m'arreter comme j'avo commiché .
J'va vous avouer quedcosse qu'ches files ale osent pas dire surtout que d'min temps cha ne se faisot pas d'fumer pour inne jone file.
Ben un cop je n'sais pas c'qui m'a pris j'étos toute seule à m'mason et j'ai vu qu'min père avot mis au dessus de ch'buffet un paquet d'cigarettes. Ch'étot rare pace qui les roulot dins s'boîte à faire ches cigarettes.
J'in ai pris inne et j'ai fumé; Ch'étot des celtique j'ai saqué un cop cha m'a suffit. Affreux ! in dirot que j'ai core l'gout du tabac !
j'ai craché tripes et boyaux j'ai tout ringé mais m'mère ale est arrivée trop vite. Elle l'a sintie et bien sûr : oh non m'man qu'j'y disos. Ale m'a pas crue.
Ch'est vrai LA CLO, c'que té dis que cha féjot pas bien du tout d'nou temps pour eune garnoulle ed funquer
Alors puisqu'in in parle j'vas vous dire, mi el premier paquet qua j'a acaté j'avos 15 ans et ch'étot lors d'un voyache scolaire in Ingleterre, j'étos in troisième
Tertous acatotent des cigarettes passeque ch'étot moins quer sur el batiau... j'a donc fait comme tertous bien que j'avos jamais funqué, j'a du in funquer eune, j'a ramené el paquet à m'mason , in l'muchant bien sur .. et j'y a quasimint jamais artouché, les années suivante ej devos in funquer deux ou trois par an pindant les années d' lycée et l'paquet j'l'a fini plus d'5 ans plus tard
A la fin les cigarettes ale comminchottent à ete piquées d'taches comme des taches ed rouille ...
j'vous dis pas la suite, malheureus'mint j'm'a rattrapée après ...
Bin,mi, chétot ach'certificat d'étutt, in a acaté un paquet d'royal em copine Michéle et mi , ech buraliste (Monsieur boeuf) nous a d'mindé si chétot pour nous
-- bin ouais, in a eu nott certificat , in peut fumer, qu'in y'a répondu in riiant comme 2 sottes..
eunn paires ed jours aprés , j'ai été acaté un paquet d'tabac gris pour min pére, i m'a d'mindé que diplome qu'j'avos eu ch'coup chi...