rue d' Anzin
par minloute le, 08/11/2011j' em faijo l' reflexion hier, que j' parle souvint d' la rue d' Anzin, faut dire que pour mi y a eune attache espéciale pasque ché là que min père i éto né hier...en 1911...
au delà d' cha, ché eune rue "espéciale", espéciale dans l' sens , meme si ché pas exceptionnel, et qui a d' autes quartiers d' bruay j' pinse du coté du stade parc, ché que ché gardins i sont d' vant ché masons
ché sur que cha cange d' la rue d' Dakar et consoeurs, du que cha parait et' qu in long cordon d' masons accolées qui vont jusqu à s' perde au bout d' l horizon du coté d ' Haillicourt ......
pas c' te sensation d' étouffer, d' accelerer ch' pas machinal'mint, d' passer d' vant des dizaines d' portes, d intinte ch' ramon d' l aute coté del porte del cour et qui fallo in meme temps bin l' ver l' pied in passant au d' sus d' ché caniveaux pour éviter l io savonneusse qui allo querre dins l' rigole du trottoir
nan, l' rue d' Anzin, rue Raymond Deruy si vous préférez, chéto eune rue très aérée pour l' vision
d' abord ché masons comme j' dijo ale zétotent au bout des gardins, donc in déchindant l' rue in avo toudis un eule , que curieux qu in faijo, sur c' qui s' passo dins ché gardins
in voyo ché gins i travailler, discuter intre eux, ou bricoler dins leu coin
chéto eune rue j' dijo aérée, car elle semblo plonger vers les ateliers centraux d' bruay
de là haut in déchindant, in voyo les collines vers Marles , et fallo déchinte paradoxal'mint plus bas pour vire ché rangées d' corons agrippés al'colline d in face dont ch' fameux terril du 3, alors pas cor arcouvert d' verdure, semblo protéger par s' masse imposante
comme diro l aute, l' rue d' Anzin à déchinte cha allo, mais quand qui fallo l armonter, surtout in arvenant du marché, ché sacs i s' faijotent bin lourds ...
et in éto contint d' arriver au niveau d' la rue d' Isbergues, d' là in pouvo vire ch' magasin d artiques ménager Plouvier et Taverne, situé sul' rue Anatole France
ché maisons devant ché gardins chéto que d'un coté del rue minloute, sans cha ché gins y vont croire qu'el rue d'anzin chéto les champs élysées ed Bruay, mais ché vrai que ché eine rue qui est resté din m'esprit comme minloute pasque j'y ai passé tout m'jeunesse du temps que chéto incore eine route ed cailloux.