el rue ed Divion

Min Loute, ech viens ed parler del rue ed Divion in parlant du lycée in 1965, mais si si j'l'ai avo vu tes articles sur el rue, le 19/05/2007 et le 10/11/2009.

Mi ch'sus aller du CP à l'terminale avec Michel Dourlens. I resto à l'première maison à gauche in déchindant, juste in face del camionnette qui est el photo que té nous a mis.

Sur l'aute photo du ché qui a ché nouvelles maisons in construction, sur la gauche i a inne vielle maison in ruines, chéto el boulangerie polonaise. i faisotent des macoches (des gâtios aux graines) à s'faire sauter la panse.
Ché boulangers polonais i mettotent leur four à disposition et les gins du quartier i pouvotent vénir cuire leur pain ou leur patisserie.

Juste in face del pâtisserie, i avo el maison d' Henri Pruvost, chéto un marcheur qui courro les 50 km à pied sur toutes les courses del région... après avoir fait sin poste al fosse. Il auro fait braire nos footballeurs professionnels qui sont mates quand i z'ont 2 matches à juer din l'semaine.

Mais des clubs ed marche inne n'a pu grammin. El siège du club ed Bruay i'éto din l'rue Alfred leroy, ché devenu La Médina

juste pour ajouter que j'ai bien connu Henri Pruvost et que le siège des marcheurs y éto ach café in face du monument aux morts coté Alfred Leroy à coté del taverne de l'artois

chéto un café ou in allo prinde des tickets pour ché autobus citroen qui allotent a Lille. Ech café la y a été arpris insuite par un des fils Zaza (Fournier) qui éto marié avec eine fille del rue Raymond Deruy. Au cercle a l'époque y avo 5 cafés si in compte el taverne cha faijeo 6

ché vrai Vauthier l'siège du café de la marche i éto près del Taverne, j'ai un trou, ché Raymond Fournier, l'frère ed Michel qui l'téno, mais chéto el café d'la presse ou bien laut bistro?

Après quand j'dis que l'siège du club de marche i éto près del fosse 4, chéto aux environs des années 70, juste avant que Fathia elle le racate avec esse n'homme pour créer la Médina.
J'allo y vire ech 'président pour signer des contrats d'organisation d'bals, mais je n'sais pas du tout quand el club i arrivé là, mais chéto juste avant esse disparition, j"pinsse. J'espère que quelqu'un va nous éclairer la d'dsus.

Je n'in sus pas certain mais j'cro qu'on a proposé à Raymond Fournier d'i racater sin bistrot pour l'abattre avec el Taverne et pouvoir créer el rue du Périgord. D'ailleurs à la clé de la vente, Raymond i a été imbauché à la mairie comme appariteur jusqu'à s'retraite.