dans l' creux d' em main
par minloute le, 21/11/2011m' grand mère ale véno minger tous les diminches à mason, et au cours du repas , ale demindo toudis à c' qu in li passe l' saliere
m' mère ale éto pas trop caute pour li donner, d 'ailleurs chéto toudis l' meme rituel
Odette (m' mère) passe me l' sel
t y as pas dro M'man
nan mais in tchiotes quantités ouais , qu ' ale dijo m' grand mère avec un minimum d' conviction
mais té tin passe chez Marthe (ché m' tante avec qui m' grand mère ale a toudis restée)
nan mais ale m in donne in tchiot peu, qu ale dijo du bout des leffes, juste avant d's' énerver , d' hausser les épaules et d'crojer les bras
alors min père , i m' dijo d' passer l' sel am' grand mère, là cha deveno l' cacophonie, m' mère ale dijo qu ale éto pas raisonnape
m' grand mère ale li répondo que chéto pas s' file qui allo l' commander, tout in faijo des gros ziux ronds
eune fos l' saliere dins s' main, m' mère ale li dijo "tout douch'mint hein"
et m' grand mère qu ale ayonno l' sallère à toute blinte in l' déversant dans l' creux des' main
" j in mets juste un tchiot peu dans m'main" , ah vinguette, ale avo eune sacrée main creuse....
eune fo ch' sel versé dins l' creux des ' main, et qu in avo fait des "oh" pasqu ale éto pas raisonnape .. ale hausso les épaules, pi ale prenno l' sel par tchiotes pincées et ale verso cha su ché zaliments
et quand qu in la raviso pu trop, ale balo d un coup tout ch' sel qui resto dins s' main
si in li faijo armarquer, ale gouto ch' plat et ale dijo que chéto à peine salé ........
alors qui yavo d' quo dégeler toute l' rue leverrier un jur d' forte neiche .........
in avo dro à ch' rituel là tous les diminches, m' mère ale ardiso que chéto pas raisonnape
m' grand mère ale finisso par dire, bin comme cha , j' partira plus vite
ale raviso ch' plafond et ale dijo " mon diu v'nez m arquerre" ou alors "que ché long, ché long"
m' mère ale li dijo d arreter sin cinéma, in tout cas, ché poignées d' sel, cha la pas empecher d' viffe jusqu à 96 ans......