ché cachets Aspro

ché bizarre d' ailleurs qu eune marque comme cha , qui éto vraimint eune marque incontournape , in in intind plus parler

pasque, pour les plus jones, Aspro chéto l' Upsa des années 50 et 60

cha s' présento par 2 tchiots cachets qui étotent dans un emballache couleur rosse

fallo printe eune paire d' ciseaux pour ouvrer un des sachets délicat'mint pour pas ouvrer ché 2 à la fo ...

min père, "ce héros au sourire si doux" , comme i aimo dire pour s' moquer d' li, i prenno cha comme un homme, c' est à dire qui metto l' cachet dins s' bouque , un tchiot peu d io et hop i avalo cha d un coup, sous min regard dubitatif ....

mi y m a fallu eune paire d années avant d arriver à avaler d un coup ché médicamints avec un tchiot peu d io ...

nan pour mi m' mère as' transformo en préparatrice in pharmacie ...

ale metto ch' médicamint au fond d un verre, ale allo querre eune tchiote cuillère pi ale écraso tant bien qu' mal ch' médicamint , pour qui n in reste pu qu eune poute......

là ale rajoutto un tchiot peu d' suque , de l io , ale touyo l' ensempe et am' dijo " bo d un coup" , ouais facile "bo d un coup"

mi j' éto sur et cha ché avéré par la suite , que pour et' préparatrice in pharmacie i auro fallu que m' mère ale fasse eune paire d années d étutes ...

comme chéto pas l' cas, ch' mélinche poute et chuque i éto pas bin fait ,donc l' premier coup que t avalo "l' potion" , té buvo surtout de lio

aprés m' mère ale artouillo ch' fond qui éto resté collé avec un tchiot peu d io

et fallo à nouveau avaler d un coup, j' faijo tout c' que j' pouvo pour pas avoir dro à un troisieme passache ...

aprés quequ' zannées plus tard sont arrivés les cachets effervescents et qu in plus i zavotent meilleu gout, alors là chéto d'venu , j allo pas dire un plaiji mais au moins ch in éto fini des préparations pharmaceutiques d' contrebante ......

Mi j'a jamais eu d'ma à avaler des cachets et quequefos core asteur j'les avale même sans iau ...

Quand j'étos jone, cha m'aurot pététe pas génée non plus, mais em mère ale utilisot el technique del confiture
in écrasant el cachet dins del confiture , chétot pas mauvais, cha donnot un gout espécial à l'confiture ... et j'avos ker cha, j'sins core el gout

Mais tout compte fait in sintot bien moins l'gout du cachet in l'avalant d'un coup avec un peu d'iau

Des aspro ché ed l'aspirine pur qui fluidifie el sang, donc qui allonge el temps de coagulation, ché imbétant pour tous les soins médicaux, dentiste, prise de sang etc...
Par contre ech n'ai pas idée des prix mais j'sus pratiquement certain qu' ché Aspro i valent beaucoup meilleur marché que les nouvio médicaments en équivalence, donc moins d'bénéfice, et roule ma poule ché pour cha que ch'pharmacien i t'propose toudis aute cosse, ... plus cher mais parelle.