ch' gardin
par minloute le, 24/11/2011cha y est ch' gardin y a vraimint pris s' teinte automnale
ché feules ale quettent des zarpes pour v'nir s' coller l eune su l aute au sol , comme pour composer un immense patchwork
ch' lilas des indes et l' viburnum ont djà perdu toutes leu feules, permettant, l' temps d' l hiver à c' que l ' aucuba et l' mahonia, profitent des rares momints qui a du solel
Mahonias pi aussi ché gauras, sans oublier ché roses jettent leu derniers éclats en produisant leurs dernieres fleurs , comme pour un baroud d' honneur ..............
d' l'aute coté ché fusains sont couverts d' tchiotes boules rouches, l' laurier tin i comminche à fleurir d' partout, ché enfin s' saison ...............
in s'prom'nant dinch' gardin ché l' début des grandes questions qu in s'pose chaque année, l' astilbe dins l' pot ale a djà l'air toute séque, est qu ale va arpartir d' plus belle au printemps ?
d' l' aute coté , ché les orangers du mexique, les élagnus jaune qui vo leur couleur arsortir dans un environ'mint d' plus en plus unicolore
un peu plus loin, ché l' malus qui perd dignemint ses feules en les couvrant d eune couleur rouche vif
tandis qu au coin, l' tulipier s' offre un dernier feu d' artifice en passant d' un vert commun à un jaune pale tout en y melant différentes couleurs d' rouille.......
par chi par là , in est un tchiot peu inquiet aussi à vire que si ses feules au lilas ale comminchent as' faner lent'mint, ché bourgeons dans un meme temps sont in train djà des' former
ché l époque aussi pour les graminées d' s éclater, d' pousser un dernier coup, pour v'nir supplanter tout c' qui l' entoure, pour , tout douch'mint s' faner et séquir tout au long de l hiver qui approche
ch' gardin i s' prépare, l' terre ale est bin humite, ché mésanges viennent déjà minger ché graines d' tournesol
depuis près de 2 mos, ché grues passotent régulier'mint, i zavotent été précédées par ché zirondelles et ché martinets, asteure ché bien moins fréquent
l'prochaine étape, ché les premieres gelées, les frimas, l'brouillard, l' neiche parfois , ché l' momint du que ché plantes vont s arposer eune paire d' mos, s' faire un tchiot peu oublier des jardiniers , qui s'ront bin contints au printemps d' vire que de ch' te branque qu in croyo définitiv'mint morte et qu in a failli couper, comminchent à pousser les toutes premieres feules ...
mais cha ché eune aute histoire ....
et in vot pus d'fourmis.. al dorment l'hiver sous l'terre ou cha continue d'aller din tous les sinss???
par maurice devos le, 26/11/2011bin l'mien yé bin triste , pu d'feules d'su chés z'arpes , j'arvos ech'chevalet in béton du 11/19 , mais l'plousse al arot b'soin d'ête tondue , pour ach'teur cha s'ra pas avant l'année prochaine