Les jardinsLes Amis de la Mine d' Oignies
par minloute le, 28/11/2011in' n a qui vont dire, quo qui fait Minloute, i publie d' zartiques d' la Vo du Nord ,alors que ché l' premier à nous dire qui veut pon publier des artiques récents ......
ché pour cha que j' voulo d' abord faire un tchiot messache, in va l' publier, ché pon pour discuter du texte qui intoure l' photo et qui aborde ché viu souv'nirs de c' qui pouvo s' passer au fond del fosse au momint d' la Saint Barpe , mais pour apporter queques précisions supplémentaires à ch' t artique là ....
quand qu in parle des Amis de la mine, intre nous j auro écris " Amis de la Mine d' Oignies", mais bon, in fait référence à ché bénévoles qui oeuvrent sur ch' t espace Denis Papin qui accueille à Oignies plusieurs associations
ché eux qui réparent et entretiennent ché machines, qui sont visipes eune fo par mo le deuxieme diminche de chaque mo, d' avril à octope au musée d' la mine d' Oignies
alors rindons leu hommache, contre l' paroi, avec ses leunettes, ch est Monsieur Jean Murzin, un électro ....
à coté ch est Monsieur André Hesdin, l' actuel président ...
su la droite , accroupi un aut' électro ché Monsieur Jean Claude Gawelick , qui est aussi l' trésorier de l' association
et chti qui est debout derriere, ch est Monsieur Emile Bossu, ancien agent de maitrise creusement
là i sont in train d' récuperer un moteur pour l' mette sur eune aute machine que l' sien y a laché
( 2 photos)
