Les jardinsles terrils tabulaires
par minloute le, 30/11/2011tabulaires quo ché qu' cha veut dire.......cha a du in faire marrer plus d un, mais j' savo pu à quo cha faijo allusion ........
j a été vire sur internet, et un terril tabulaire, ché un terril "plat", ché souvint les plus anciens, avant la grante mécanisation, quand que chéto ché bidets avec des carrioles qui déversotent cha et pour ch' bidet fallo pas des pentes d' sot
aprés y a eu aussi des berlines type panama, qui s'déversotent sul' coté
Comme les gratte-ciel par rapport aux simpes masons , l'terril conique avot l'avantage ed printe moinsse ed plache qu'les terrils plats dit tabulaires, mot qui vient ed "table " (table in frinçais , tabe in picard).
Mais i fallot qué l'daine (sol) alle soche assez solide pou incaisser el rude masse du cone (L'terril d'LoOs in Gohelle aveuc ses 181 m ch'est pu haute "montane" dé l'région !) sinon i'avot risque d'éboulmint
A l'mare à Goriaux à Wallers-Arinberg (7 km ed Volinciennes) i'esiste un long terril "tabulaire' qui achteure est arcouvert ed bouleaux . I'a bin longtemps, à côté dé l'fosse , i'a eu un affaiss'mint des bowettes intrainant à l'surface un rute creux du terrain. L'iau d'puève et rucheaux visins ont rimpli l'creux. Dpu ç'temps in a un lac qu'in appelle mare à Goriaux , un indrot protégé qui abrite les osiaux d'passache.
Dins les fosses des régions du Sud (Alès, La Mure) in dit putôt crassier et pon terril. Mais in peut écrire gramint su les terrils ocore crassiers qui sochent coniques obin tabulaires. Et cha , ch'est putôt l'affaire des carbonniers artraités !
