naissances, mariaches, décés

vous dire si cha vient de "Bruay Lumières" ou d'"la lampe au chapeau" , j' pourro pas vous l' dire vu qui s agit d eune page découpée

au recto ché des articles sur Sainte Cécile et la lyre ouvriere

min père i avo annoté au stylo "1960"

ché en ravisant l' verso que j a ravisé ch' carnet

là y a ché naissances, ché mariaches et pi ché décés, et j a armarqué qu aussi bin pour les naissances, les mariaches et les décés, in avo trié cha par siège

chaque siège chéto plus ou moins eune grante famile, meme si in connaisso pas tout l' monte in in connaisso un paquet au moins d' vue

ché en ravisant dins l' détal, que j a pu m' dire que ch' t artique i do dater de janvier 1960 pisque , dins ché naissances, au niveau du siège 6 , in peut vire qu un certain André , fils d' André Paillart , y est v'nu au monte

mi j' mets pas cha su le hasard , chéto écrit que j' devo t artrouver cha André

bin amiteus'mint

Dieu sait j' in possède des archives des mines, mais là ché eune pièce rare pour mi dont je n'avos pas même pas connaissance.

T'as raison Minloute, in r' trouvot les communautés ou grandes familles d' mineurs par sièges , ché la raison pour laquelle que ché annonces y étaient classées par fosses.

Ché ainsi que j' ai pu constater qu' y avot core du monde qui tarvaillot à l' fosse 7 d' Houdain, même si l' carbon y armontait par le 6 d' Haillicourt

J' sus né in novembre 1959 et la parution de ch' t'artique date de janvier 1960, ché normal y avot tout le temps un décalage avec les éditions d' ché journaux mensuels d'entreprise.

In tous cas un grand merci de l' avoir fait partager, cha m'a beaucoup touché et cha touchera d'autant ma maman et peut être d'avantache quand j' li montrerai.