Les filles de la lampisterie du N°3 de Bruay vers 1950
par Sopraniste de Bruay le, 02/12/2011Quand j'ai queminché al fosse in 1952, j'ai été au début avec les géomètres, et comme i déchindotent à 7h30 et armontotent à 11h30, nous on arrivo pour 5h30, et fin ed poste à 13h30
donc avant et après on allo al lampisterie, on donno un coup ed main à ché fill', à dévisser ché lampes électriques à main du poste ed nuit, les mett' in charge et préparer les lampes du poste après midi..
ej' vous mets en' photo qui date ed 1950/51, car i avo en fill' qui a toudis resté à Bruay, al a ach'heure 80 ans, et ech' conno bien ess' homme qui canto din ché chorale, iavo en' voix superpe..
i travaillo au quémin ed fer i conduisot el loco avec ché wagons ed carbon del fosse 3, vers le destination finale...
et comme ess copine al travaillo al lampisterie, disons à en' 30 en' ed mètres del lign', chaque fo qui passo avant el passach' à niveau i donno un gros coup ed sifflo, ess' copine Louisette, toute jeunette ed 21 ans al courro al porte arrière et al faiso sign'à Jean, ch'ti qui allo devenir ess' homme...
Nous in rigolo, on diso ""allé Louisette dépèche teu"", pour mi ché comme si chéto hier.. on n'a cor arparlé i a deux jours avec nos 2 artraités...
Alors comme nous deux bien âgés i restent cor à Bruay, ess' su allé vir Jean et Louisette, afin ed savoir si al avo cor en' photo avec les filles del lampisterie, et comme la persévérance paye, el camarate Jean i m'a téléphoné, et Louisette al m'a armis donc chel photo, dont j'ai fait un scan'..
Louisette ché el 2 ième à partir ed droite sul devant, i avo aussi Anette que j'ai bien connu, ché el 2 ième à partir ed gauche toudis sul devant, les aut' al m'a dit ché noms mais j'ai pas connu...
El responsap' del lampisterie chéto l'oncl' ed Boxerman, mais li i est pas ed'ssu....
ché fill' i ont su leu tête des barettes in alu, chéto el début des lampes au chapeau au 3, mi j'avo cor em' barette in cuir, que j'ai toudis accroché ach'mur ind' sous din tableau peint arprésentant el Fosse 7 d'Houdain..
cha fait loin toucha, mais des souvenirs cha s'effacent pas....
cha me fait pinser qu'il n'y avait pas qu'al lampisterie qui avo des femmes al fosse, y avo aussi ché femmes qui étotent au triage in les appelo les "culs à gaillette"
j'sais pas si cha leur plaiso grammin ché femmes là à qui ech tire min capiau.
ouais cor des sacrés souvenirs tout cha , chétot vraimint ch' bon temps
( 2 photos)