ch' cuir à rasoir
par minloute le, 05/12/2011ch' cuir à rasoir, Gerard min coiffeur del' rue Raymond Deruy, il'sorto quand que l' coupe ale éto terminée , (qui avo bin babéllé avec nouzautes......
ouais Gérard i parlo avec ti qui éto such' sieche d'vant ch' miroir que chéto tin tour .....
mais aussi avec ché clients qui attindotent d' passer, assis sag'mint su leu cayelles d' l aute coté del table basse du que d' su y avo ché bandes dessinées, pi z'exemplaires d'Point d' Vue, Imaches du monte, pi L'Chasseur Français sans oublier Rustica et Nord Minteux .........
j ' arviens ach' cuir, là Gérard qui éto un sacré comédien, i allo printe l' cuir à rasoir qui éto rangé dans un des tiroirs
chéto eune espéce d' outil, du qui avo un manche et que l aute partie chéto noir, j' savo pas dans quelle matière chéto fait
donc i avo sorti ch' cuir à rasoir , et il'le poso d un coup au coin del tape et i sorto ch' rasoir d un aut' tiroir , al' raviser si tél connaicho pas , té te d'mindo si yavo pas ch'mape ou si t allo li confier t' nuque , qui compto rinde aussi lisse que l' pio d' bébé ....
i saisisso l' cuir à rasoir d eune main, l' rasoir d l' aute, et i passo et arpasso l'lame d un coté, pi d' l aute coté, sur chte surface qui éto en fait un assemblache d' plusieurs couches d' cuir épais , eune surface à la fo compaque mais pas metallique
j' me d'mindo commint qu in pouvo aiguiser quéquosse sans l' passer sous eune pierre comme ch' rémouleur qui passo quequ' fo dins l' rue avec s' n espece d' brouette que d'sus y avo installé s' meuleusse manuelle
ou alors tout simplemint comme i faijo min père , en employant eune tchiote pierre noire à aiguiser
bin chéto quand meme bin efficace, et là quand que Gérard i commincho à t' "faire ché finitions" , i rigolo pu, fallo pu bouger t' tiete, i répondo à peine à ché gins qui étotent dins l' salle
mi j' bougeo pas d un pouce, i "dégageo" bin l arriere, pi i termino int' faijant ché pattes
pi toudis avec sin visache freumé , i t'raviso, i avo fini, et d un coup i sourio
i allo printe l' boutele d'pchit pchit , savez celle qui éto in metal mais qui yavo eune poire in caoutchouc sul' coté, et là i t in arroso y a des coups, t éto fraique d' ché fraique
mais meme si parfo i faijo ch' mariole pour amuser la galerie , chéto "un bon" pour l' coupe d' caveux
in lisant "ch'cuir à rasoir" ej viens core ed vir einne parole parele ach'patois napolitain, einne ed plus inn'a gramint vous pouvez pas savoir .. bon l'parole ché "mariole" din nott patois chti cha veut dire rigolo mais in napolitain cha veut dire "voleur", iss disstent aussi "gayolle" pour el cage et pis "va vir" comme nous zautts et bien d'autts expressions come les notts . Ché marrant hein!
Y'a du avoir des chtis à Naples dins l'temps.
Pour ché plus anciens Gérard ech coiffeur y éto installé al plache ed l'épicerie Coutiau, j'éto leur voisin
et de l'aute coté y avo Lourme qui a été rimplaché par eine épicerie aussi chez Robert et Marinette qui ont été rimplaché par un matelassier
aprés j'su parti cha ché un peu d'histoire del rue Raymond Deruy ché des souv'nirs que ché moins de 60 ans y ne peuvent pas connaitre