Ch' fer à ch'val de l' fosse 6 d' Calonne

Mais pourquoi donc ch' fer à ch'val y est t'il cinsé porter chance à ch' ti qui in possède un ?
Les croyances et le superstitions d' nous taïons vont bon train.

In parle de s' forme, de s' matière ou d' sin rôle protecteur auprès de ch' l'animal, et che grâce à Saint Eloi, patron du maréchal-ferrant.

Mais, faites attention à vous autes d' bin placher ch' fer d'un coté et pas d' l'autre, avec ou sans ché clous, branques in l' air ou branques in bas, à l'intérieur ou à l'extérieur de l' mason.

Et pis chacun s'in sert comme à s' façon, pour éloigner selon sin choix, foudre, cauchemar ou amant caché dins ch' placard, dont in voudrot bin s' débarasser.
In bref, l' fer à ch' val vaut comme tout comme pour rien, protection, bonne fortune et félicité...

Mais in fait, y a eune explication plus prosaïque à tant d' pouvoirs magiques:
Dins l' temps dins ché campagnes, ch' ti qui trouvot par hasard un fer à ch'val pouvot aller l' porter chez ch' forgeron du villache moyennant queques sous in contre partie; de l' chance à arvinte finalemint...

Ch' ti que j' vous présente ichi in photo est eune relique qui m'a été offerte par min camarate Eddy d' Houdain.
Ché un fer à ch' val de mine qui travaillot y a bien longtemps au fond de l' fosse 6 d' Calonne Ricouart.
Fer vraisemblablemint perdu par un bidet dins eune galerie et mis dins eune berline qui a suivi le cheminement classique jusqu'au jour: remontée, moulinache, triache manuel, et mise à terril des déchets et stériles.

Ch' fer, il l'a trouvé dins l' cadre d' sin travail, lors du démantèlement du terril du 6 de l' ancienne Compagnie des Mines de Marles, qui sera terminé d'ichi 2 ans.

Mêlé aux terres rouches, in peut vire que ch' fer comme les schistes attenants ont fusionnés sous l' effet de l'auto combustion de ch' terril (température avoisinant les 1000° in profondeur).

Terril à la bien triste renommée, responsable de la mort de 6 personnes en aout 1975 et qui s'ra bientôt disparu de not' paysage minier.
Marie Claire vous mettra un lien vers l' sujet de l' catastrophe du terril du 6 d' Calonne Ricouart que j'avos fait y a quelques mos.

Conservé din sin jus, tel qu'il a été trouvé excepté que je l'ai juste pulvérisé au Rustol pour stopper l'oxydation, ch' fer à ch' val y a arjoint ch' matin m' collection d' reliques.
Incore merci min camarate Eddy.

En liens les sujets sur la catastrophe du terril du 6 de Calonne-Ricouart le 26 août 1975

Il y a 35 ans l'explosion du terril de la fosse de Calonne-Ricouart

Il y a 35 ans l'explosion du terril de la fosse 6 de Calonne Ricouart (1)