l' valisse d' 32 jeux à minloute
par minloute le, 11/12/2011ah mi aussi j a eu eune valisse avec 32 jeux, par conte mi té peux cacher ale do pas et' dinch' grenier
chéto un sacré bio cadeau que d avoir cha à la noel , et comme grinmint d' jones d' l époque j a eu cha aussi ........
su l extérieur del valisse y avo un jeu d' chaque coté, chéto souvint un jeu d' dada d un coté pi un jeu d' dames d' l aute
tandis qu à l intérieur chéto souvint d un coté un jeu de l oie et d' l aute un jeu d' nain jaune ou un jeu d' marelle
l' reste des jeux i zétotent imprimés sur des cartons, yavo plein d' pions, pour pouvoir juer aux dames ou à la marelle par exempe
yavo des bidets , pour juer au jeu d' bidets ou au jeu de l oie bin sur
sans compter ché dés qui étotent indispensapes pour la plupart des jeux
yavo aussi des tchiotes plaques in plastique d' différentes couleurs et d'differentes tailles, chéto pour juer à la roulette pi aussi si j' me souvins bin au nain jaune
pasque ouais y avo eune tchiote roulette avec eune tchiote bille in plastique blanc, et in avo aussi eune reproduction du tapis d' la roulette
sans oublier ché plaques d' loto, avec tous ché pions indispensapes pour juer avec .............
EST CE QUE CH EST LA PEINE QUE J DEVELOPPE ? ou zavez djà d'viné ?
bon j' va developper pasque ché derniers arrivés ou arrivées, ils ou elles savent te pas cor que j éto un brisaque étourdi quand que j éto tchiot ...........
j' vous diro d' abord pour m' défense, que l' valisette ale freumo avec deux tchiotes fermetures...
imaginez aussi messieurs les jurés, que minloute y a aussi des circonstances atténuantes ...
pasque qui qui avo acaté l' valisse avec tous ché jeux ? bin chéto ché parints ou mon mononque et mamatante , alors ché bin d offrir des jeux, mais quand que té d'minte aux zautes d' juer avec ti et qui a pas personne qui veut juer avec ti té fait commint ?
eh m'man té jue avec mi aux bidets ? nan j a ch' tricot là à finir pour la fin del' semaine
eh p'pa, té jue avec mi au jeu de l' oie ? nan ,j' do préparer des papiers pour ch' syndicat
in plus i zavotent l' "phrasse qui tue" , " bin t a qu à y juer tout seu "
ah facile à dire d' juer tout seu, mais voyez à juer tout seu, in est sur d 'ete à la fois ch' gagnant et à la fois ch' perdant , in plus in peut s' tricher à soi meme pour finir plus rapid'mint eune partie ....l' monte à l' envers
pour et' faire patienter int' dijo " attind qu' tes soeurs ale rintent du lycée ale vont vouloir juer avec ti"
alors là ti t éto dins ché startinebloques, à guetter par l' farniete del pieche d' devant, celle qui permetto d' vire en enfilate, les gins qui venotent par ichi en étant such' trottoir
dés qu' té les voyo, té radino près del porte et dès qu ale zavotent mis un ortel dins l' mason, té leur sauto d' sur pour savoir à quel jeu ale voulotent juer ...et à chaque coup ale t invoyotent "dinguer" vu qu ale étotent mates d' leu journée ou qu ale zavotent des devoirs
mi j arparto, l'tiete baissée in dijant et j avo pas tort " pourquo que vous m avez acaté cha si ch est pour que j' puisse pas y juer ?"
alors m' mère ale éto compréhensive, ale poso sin tricot et ale me d'mindo d aller querre ch' jeu qui éto rangé dins l' grand buffet d' la pieche d' devant
savez ch' grand buffet que in haut ché les assiettes d' toutes les tailles, les services à café, les beurriers, les plateaux à fromache, bref ché belles chosses qu in sorto exclusiv'mint quand qu in avo du monte al' mason pour un grand r'pas
dans ch'grand buffet in bas, chéto les plats in inosque, les services d'ménagère, parels, des trucs qu in sorto pas grimint souvint, et posés d' sus ché "jeux d' société"
alors ché vrai m'sieur l' avocat général, quand que m'mère ale dijo " bon , minloute, va querre l' malette" , ché sur que j' parto comme eune flèche et meme si m'mère al' dijo "fait attintion en arvénant" ...
ale avo à peine fini s' phrase que patatras, l' malette toute intière ale s éto renversée, que dis je éparpillée aux quat' coins del pieche ........
savez j' éto tel'mint contint del printe l' malette, tout en sachant que meme si yavo eune poignée, chéto plus raisonnape del printe par en d'sous ou par ché cotés, comme quand manman ale am'no à tape ch' plat avec l'dinde à la noel ....
bin nan mi j' voulo faire comme ché zagents secrets qui s' promenent avec leu valisse à leu coté
l' problème chéto que , au moindre choc, l' coin d' eune tape, l' coin d un bureau, un grand coup d' genou, A TOUS LES COUPS l' malette ale s ouvro d un coup et tout y quéyo à terre ...
j' vous a dis que cha s éparpillo partout, acoutez mi qui éto un grand espécialiste d'l ouverture prématurée des malettes d' jeu, j' pourro vous faire eune thèse d' 20 heures sul' forche et l' rapidité qui peut printe un j'ton d' loto eune fo qui a qué such' carrelache et que cha a augmente cor s' n' élan et peut modifier s' trajectoire ...........
j' vous parle pas des zingueulates que j a pris, des reflexions subies "brizaque, in peut rin t acater, faudro t acater un ju d' bidets in béton , qui avo dit un coup min père....
mi j avo eu l'bétisse d in sourire , ah mon diu malheur , quo ch' est que j avo pas fait, pas dit, min père i éto au bord ' l apoplexie d' vire tout l' contenu qui s éto fait escusez me du jeu d' mot, qui s éto fait la malle .....
alors imaginez minloute , à quat' pattes , cor in train d' cacher ché pieches sans savoir exactemint combien que j avo à in arcacher pour et' sur que ché jeux i so complets ...
et ché là Mr le procureur que j 'deminderai cor vot' indulgence, savez, ché pas facile et pourtant cha m est arrivé d' juer au jeu d' dame et comme i minquo 2 pions noirs et un pion blanc , devoir les rimplacher par les bidets du jeu du meme nom ......
parel, à la fin chéto pu possipe d' juer au loto, tel'mint i minquo d' numéros ...
pi si cha arrivo qu un coup que l' malette ale s' ouve d un coup, mais nan, cha m arrivo régulier'mint ...
alors jem' faijo ingueuler, mais chéto pas fini , quand que m'mère ale faijo s' " n in haut et s' n in bas" , bref quand qu ale s' metto in route eune fo par semaine pour faire ch' ménache d' fond en comble, j'em faijo cor disputer...........
quand que j' rintro d' l école vu qu ale avo artrouvé 2 pions derriere ch' pied du buffet del cuisine , qu ale avo failli querre à terre in marchant sur un numéro d' loto...j' vous in passe et des pas mures ...
à la fin, à forche des' faire ingueuler, ch' jeu , l' malette à jeux j' voulo dire, j' la sorto pu ...
mais ch est là quequ'fos que j' m infligeo la "double peine" , " l arroseur arrosé" si vous préférez .....
ché quand que quéqu un is ' proposo d' li meme, souvint pour vouloir m' faire plaiji, d' vouloir juer avec mi aux bidets , au jeu de l oie , ou aux dames
et que en voulant mette ché pions necessaires au jeu, y en minquo un certain nompe
là in m' dijo "mais du qu ale sont les pieches manquantes" mi j' répondo "j' sais pas" et j avo dro à "j' sais pas, ché pas eune réponse" et bin sur cha arparto sul' theme "faut rin li acater i casse tout" "fait du bien à un baudet" etc etc etc
j' pourro vous zin faire eune litanie jusqu au jurnal d' 20 heures .............
que voulez vous, j éto pas "soigneux", j' éto pas assez "respectueux du matériel" , j éto un "brizaque", et cha continuo par "jamais ses soeurs et sin frère i zont cassé autant.....
li t acate un truc ché cassé ou y manque quéquosse dins l heure" ....
voyez , hélas mes gins, cha m est resté, et jvo par exempe quand que j a des trucs informatiques importants, comme des sauvegardes , bin ...... ché al' mason d' Marie Claire que j' les laisse, au moins j' sais là bo ché bin rangé .......
bin mi aussi , j'avos cha mais y'avot que 2 faces, un jeu d'bidets et un jeu ed dames et 2 tiroirs sur les cotés pour ringer ché bidets et chés pions.
Y'avot des bidets rouches, jaunes , verts et bleus m'in rappelle core .
J'avos un jeu d' sept familles aussi. l'carte qui m'plaisot l' plus , chétot "la fille de l' famille Froment" ej l'arvos core avec ess poupée qu'al tenot par la main.