l' art du récauffé 2

l' problème du bouillon au vermicelle, ché qui a tendance à vite tourner, té va in minger eune fo, mais si té l'arpresente à servir l' l'lend'main y a des coups i "tourno"

j' me souviens un coup chéto épique j éto plus agé, j'devo avoir 14 15 ans, savez l age du qu in est sur d' tout ....

tiens minloute i reste du bouillon tin veux, qu ale dit m'mère avant del récauffer

mi j' réponds j in veux pas

m' mère y en reste tout juste d' quo faire un bol

mi bon d accord


m' mère ale fait récauffer, et rin qu à am'ner l' castrole, comme j a l'nez developpé, faut qu' cha serve, et j' avo sinti que ch' bouillon i avo tourné


et j' dis avant que m'mère ale comminche à servir nan j in veux pas cha sint l' suret


m' mère ale reste toute surprisse, ale rajoutte, commint qu' té peux savoir cha si té la pas gouté ?

mi j' demarre au quart de tour ..... mais jel sint d ichi qu' ch est suret que j y dit

et m' mère ale insiste ....mais t y as pas gouté !

et mi j' armets eune couche du ginre " acoute j' sais c'que j' dis"

min père li cha li plait pas im 'dit " te trompe pas d adresse, si t'mère ale sert cha ché qu' ché bon"

mi j' dis "nan j in veux pas"

min père i dit am'mère "sert le me le , j'va cor faire ch' pélican , j' va finir ché restes"

m'mère ale sert ch' bouillon......


min père i comminche à gouter et là, j' vo qui fait la grimace, i dit rin mais mi j a compris...

i s artourne vers m'mère et i dit douch'mint" y a raison , ché suret"

pi i rajoute un peu plus fort " ouais t auro du gouter " , pi "ch est vrai cha ché inmangeape "

mi j in rajoute eune couche, " t as vu in m' fait pas confiance, j' l' avo dit"

et min père " t auro du l' gouter Odette y est inmangeape "

m' mère ale arparto dins l' cuisine avec s' castrole en versant eune tchiote larme

ah savez fallo qu ale s accroche avec 2 zigottos comme nouzautes .... mais ale y arriffe cor à plus d' 91 ans ......