i zétotent trois
par minloute le, 15/12/2011quand qu in éto à Merlimont su la plage, y vo ché marchands ambulants qui passotent
yavo "esquimaux, chocolats glacés, glaces caramel " ceux qui passotent entre ché estivants installés su ché serviettes d' bain , à attente que l' digestion ale so passée pour aller à l io ou à "griller s' viante" sous les rayons du solel
y en avo un aute qui passo, j' m in souvins bin pasqu i avo eune casquette blanque d' marin, eune veste blanque,et eune grante sacoche bleu foncé , li i vindo ché journeaux
i crio "france soir, france dimanche , ici paris", "france soir, france dimanche , ici paris"
chéto l époque du que quand qu in rintro del plache et qu in passo d'vant ch' marchand d' journeaux, yavo d' grandes affiches fixées su des chevalets , chéto souvint ici paris, france diminche ou detectiffe
aujourd hui chéto l' derniere édition "papier" du journal France SOIR
Faut dire aussi que d abord l' radio pi aprés l' télévision pi aprés l arnitoile cha a cangé nos façons d archevoir l information
j' éto pas un fane de France soir, nous in lijo la voix du nord, mais bon quand qui a un journal qui s arrete ou qui va pu et' que sur internet, ché quand meme eune source d information qui disparait, qu in so pour ou conte c' qui éto écrit dins ch' journal
et j' me faijo l' reflexion, des tro journals dont les noms étotent criés par ch' l homme sul' plache d' merlimont à la fin des années 60
i zétotent trois, asteure i sont pu qu' 2 , ici paris et france diminche
soit des journaux qu in pourro qualifier au mieux de people ou d' diffuseurs d' ragots ..........
in tout cas pas des journaux "d information" à méditer mes gins à méditer
ché vrai que ché une époque qui finit.. souvent din ché vieux films , y'avot toudis ech ti qui criot "demandez france soir" quand qu' y'avot eu un crime ed commis!
Am'baraque chétot la Voix du Nord qu'in lisot, je m'rappelle que quand j'arvénos d'l'école à midi moins l'quart, l'premiére coss qu'ej fesos ché ed mett ech'journal étalé à terre such'carrelache rouche et pis de l'raviser.
y'avot l' professeur Nimbus, à l'périott ed Noel y'avot ché photos des orphelins qui voulottent des jouets ( Sophie voudrait une grande poupée qui marche)(Roger voudrait un train électrique) Ché bien d'ett orphelin qu'ej pinsos...
L'Jeudi matin, ej voyos arriver ch'ti qui portot ché journaux avec ess sacoche jaune su sin vélo, l'hiver y'avot des gants d'laine mais sans dogts , ej croyos que pasque y'étot pauff , bin non, j'ai compris après que pasce que cha allot miux pour printt ché "journals" ..
in apprenant ch'midi la fin dech journal "france soir" cha m'a rappellé un souvenir que in fin d'aprés midi din l'rue d'Anzin (Raymond Deruy) pour ché jones, y avo in bonhomme qui passo in criant "france soir" chéto l'édition du soir. A l'époque c'te journal y avo plusieurs éditions din l'journée.
par jpp le, 15/12/2011la presse qui disparait ché la communication qui meurt....
MAIS essque on n'est pas in train de couper les brancques sur lesquelles on est assis?? Ché journalistes les 1er.
J'ai vu y a einne dizaine ed jours un artik din la Voix din l'quel on s'moquot d'une femme qui avo demandé par téléphone à jointe Kléber Deberles (NB : el chef d'édition retraité). Ech l'artik y disot "on n'est plus en 1986...."
Mi j'va vous l' dire les jeunes, in 1986, ché journalistes, y nous archevotent quand on passo leur donner un tuyo ou un document à leur buro, chéto pas des fantomes.
Mi el dernier document que j'ai laissé, j'attin cor pour qu'on mé l'rinvo.
Après, j'va cor dire cha que j'ai sur el coeur, mais les journalistes ach t'époque là i restotent à Bruay et environs, quand té leur parlo del rue Alfred Leroy à 20 mètres d'leur buro y savotent du q'ché chéto...