du pain d'chien...

Bonjour tertous,
Je m'rappele d'un gatiot qu'in f'jot din l'temps. In gardot ch'pain rassis et quand inn'avot pas mal, in l'brijot in tiots bouts.

In versot ed'sus, du lait avec in sachet ed chuque vanillé, deux ou trois oeufs selon el quintité ed pain, deul cassonade (vergeoise) et des rojins secs trimpés din du rhum (avec modération, bien sûr...)
In mélonjot tout cha et in mettot au four din in moule à cake.
Chez nous, in appelot cha du pain d'chien, va savoir pourquoi?... in fait, chéto du pudding mais ché vrai qu'in patois, pain d'chien, cha sonne mieux!...
Ech vous imbrass.

En lien eune arcette de ch' fameux pain d'chien

In féjot aussi du "pain perdu" ou du "pain ferré", cha chétot juste des tranches ed pain rassis qu'in trimpot dins des oeufs battus avec du lait et qu'in féjot cuire à l' poele et bien sur qu'in mingeot avec del castonate, et cha féjot un repas el soir


Ch'pain d'tchien

ché un vieu souven'ir deme infance mais ché pas eine spécialité dech nord, j'ai eine femme originaire du nord mais ed l'afrique et elle in a toudis fait ché el régal ed ses garchons quand elle in fait.

Ché el même recette sauf qu'elle y ajoute tout c'quelle trouve des fruits confits un reste ed pot ed confiture, etc etc al mason y a un sac et y a toudis du vieu pain qui attind d'étre transformé in pain d'chien.
elle appelle cha du pudding quand j'y dit qu'in appello cha du pain d'quien elle me dit ché trop bon pour donner cha à ché quiens.

alors mi , rien que d'vous lire j'ai m'salive qui monte à m'bouque . chétot min régale quand m'mère a l'in faiso . quand j'rintro du bal, j'allo al cave minger ch'pain d'chien qua l'avo mi à inr froidir . qu'es que cha faiso plaisir quand a l'foso cha ! rien n'étot gaspillé .

cha faijot partie d'nous repas , au moins in fos par semaine , comme ech'pain ferré ou crotté , pi ch'lait battu , cha chétot des vrais repas complets
cha ma tellemint fait baffié , qu'j'ai ORDONNE (à voix basse) am'femme d'in faire , du coup j'ai soupé cha , j'in beffele cor