sujet marronnier dins la voix du nord
par minloute le, 30/12/2011l' nouvel année, chéto l occasion pour la voix du nord d' publier ché sujets "marronnier", ceux qui zarviennent chaque année al' meme époque, comme la rintrée des classes, ou l'noel des déshérités
mi j' liso régulier'mint la rubrique du noel des déshérités, chéto en premiere pache, in bas à droite , avec l' photo d un tchiot ou d' eune tchiote pi au d' sus , yavo sin prénom et eune phrasse pour l' définir
mi j' raviso d' abord tous les jurs chéto l' montant des dons, chaque jur j' raviso combien qui yavo été donné par ché gins pi j' liso l artique
j' éto cor jone un peu plus d' 10 ans et j' avoue que j éto commint vous dire , un peu intrigué par l' contenu d' l artique qui accompagno l'photo ...
in y parlo d' la vie d' l infant, mais dans des termes que j' comprenno pas, j' sinto que ch' t infant là y éto différent d' nouzautes, mais pas écrit d' maniere explicite
in l' qualifio quéqu'fo d' esprit de bohème, d eune fragile douceur ou d'eune différence touchante, mais voyez chéto dit dans des termes plutot ampoulés ...................
deux reflexions que j avo as' t age là, j' envio chti qui avo s' photo sul' journal l' jur d' noel, comme si chéto eune consécration d' ete dins l'jurnal ch' jur là, comme si chéto li qui symboliso tous les infants qui archevotent des cadeaux ch' jur là
pi l' aute reflexion, ché que j éto étonné qui a cor un "noel des déshérités" qu in d'minte cor aux gins d' donner d' l' argint dans la semaine qui yavo entre noel et l' jur de l an
pourquo cor donner alors que la fete d' noel ale éto finite ?
Chéto l' momint aussi dans la voix du nord du qui faijotent des restrospectives
i faijotent des retrospectives d' l actualité mondiale, un aut' jour chéto l actualité régionale, et un aut' jur chéto eune retrospective esportive du que chaque année, in espéro l' maintien du Racing Club de Lens, d' V A, et de Lille.........
pi arrivo l' nouvelle année, l' premiere page chéto souvint eune grante carte d' visite avec ché voeux pour la nouvelle année
dins les pages intérieures chéto toudis les memes thémes
"ils ont veillé sur vous", in avo eune paire d' photos des gens qui avotent assurés la permanence durant ch' réveillon
té voyo eune photo d' ché pompiers, eune aute des policiers ach' commissariat,et bin sur des médecins d' garte aux zhopitaux
après "ils ont veillé sur vous" , in avo dro aussi à "ils sont les premiers"
et té voyo les photos des nouveaux nés qui avotent décidés d' venir au monte durant l' nuit dins les bras d' leux mamans ......
l' pire chéto pas cha, chéto à chaque coup hélas en page régionale, les photos d un terripe asquident qui avo eu lieu l ' plus souvint su la rocate
in avo du mau à arconnaite que carette cha pouvo et', et in imagino la detresse des familes à qui chéto arrivé, juste au momint du cang'mint d' année...
jean qui rit , jean qui pleure, cha ne peut que réseumer que l' fil tenu qui sépare eune joie d eune peine, al' différence que la peine, elle, ale reste bin plus longtimps dins nos souvenirs