nosgueulesnoires62

"nosgueulesnoires62", ché un nouvio blog qui vient d' etre créé tout dernier'mint

ch' nom complet ch est " nosgueulesnoires62.skyrock.com"

ch'est not'camarate Christian de Lievin chti qui nous a fait profité en tr'aute des photos aériennes qui avo pris au d'sus dech' bassin minier , qui en est l ' auteur

Christian y a ker tout c' qui a trait à l' histoire du bassin minier, que che so "l histoire" par elle meme, pasqu in a la meme passion, ché Notre Dame de Lorette et Vimy ...

ché aussi l' histoire d'la mine, et y est souvint présent à ché commémorations pour perpétrer la mémoire d' eune région , mémoire collective qui éto not' présent y a cor 40 50 ans et qui asteure , avec l' temps , s'effiloche tout douch'mint et inexorablemint

Christian y a ker sin quartier d' Saint Amé, et au fil d' sin nouvieau blog , i nous transporte au grè d' photos d' famile, le long d un quotidien qu in a tous vécu dins not' jeunesse

ch' quartier d' Saint Amé servant surtout d' révélateur

j a ker l' présentation, in diro qu on armonte le temps au grès d eune pellicule photo noir et blanc

et y a eune photo qu ale m a bin plu arvire, chéto l' rintrée du carbon en famile

ché sur qu à ch' t époque là, in pinso pas vraimint à photographier ché momints du quotidien, in allo plutot photographier ché vagances à la mer, ou à la campane, que che so pour un mos, eune semaine ou un jur

et ch' quotidien pourquo l' photographier, chéto not' vie normale .....

avec du recul, et mises bout à bout, toutes ché photos du quotidien, photos simples d eune vie simple, nous permettent d' nous arvire queques decennies en arriere pour certains, et avoir eune idée d' la vie d' nos taions pour les plus jones

ché vrai s'que té dis la minloute pourquoi photographier note quotidien ?
mais faut dire aussi qu'ed' MIN TEMPS es'apparel photos , chétot in dinrée rare , comme ech'café ou l'bistéak , l'topinembour , et aute rutabaga
et chétot surtout l'plus important d'minger qu'ed' photographier
et ché vrai aussi qu'ach'teur in argrette ed' avoir photographié , chechi ou chela , mais quand j'artourne din mes viels photos que régal