le mini vélo

j' va m adresser à ché plus jones, zavez pas connu l' mini vélo ...

l' mini vélo chéto eune révolution à la fin des années 60 et j' diro meme plutot au début des années 70

cha cangeo des vélos traditionnels, savez cadre avec barre d' cadre droite pour ché garchons et cadre avec barre transvesale pour ché garnoules ... voir la premiere photo

nan nan , l' mini vélo chéto l' somome del cranerie pour ché garnoules cha

chéto pas un vélo d' course loin d' là,in cacho pas la performance, yavo pas d' dérailleur bin sur

chéto vraimint un vélo d' loisirs, un vélo d' vacances ,(in in voyo plein dins ché rues et d'vant la plage d' merlimont j' me souviens)

comme j' vous dijo chéto un vélo d'garnoules, un vélo pour craner .....

cha arsemblo un peu dans l esprit à eune mobylette, surtout au niveau du guidon d ailleurs

chéto un vélo d' garnoule, un vélo pour craner


et escusez me si j' va in choquer ptete, mais j' me souviens que j' raviso ché belles gambettes des garnoules qui appuyotent duch'mint su ché pédales d' leur mini vélo, chaussées de tongues tout cha dans les rues adjacentes à la grante avenue de la plage ....

le fin du fin pour ch' mini vélo, chéto la version arpliape, voir la seconde photo

j' me souviens que j éto presque envieux d' ché jones files qui pouvotent faire du vélo dins ché sentiers du bois d ohlain l'diminche aprés midi

mi j auro bin voulu em'ner min vélo mais i rintro pas dans l' coffe del 204 qui m avo dit min père

mais j' va et' méchant aussi , y a des coups j' rigolo bin au bois d ohlain, savez ché ptites pizinques qui passotent d' vant vous sans vous vire, l' air hautain ou pire encore un coup qu in a eu dro à un coup d' sonnette que chéto eune jeune qu ale nous a presque obligé d' nous mette such' coté...................................et del vire s' rétaler l' guiffe dans eune orniere pleine d' berdoule eune dizaine d' metes aprés ....

mi bin sur , j avo laché min rire d' hyenne .....et l' tchiote ale éto arpassée toute penaude en brayant et in app'lant s' mère

chéto bin eune garnoule ....braire et app'ler s' mère ....

ch' est bien d' mi d'em moquer d' ché garnoules ....


au d'là d' tout cha , j'espère que cha vous a rappelé des bons souvenirs ............

mi aussi j'in ai eu un comme sur l' deuxième photo de minloute.
j'en n'réécrirai pas un sujet la d'sus ej l'ai déjà fait.
mais par conte i m'arvient un souv'nir.
quand l parton du café Ringot à côté du cimetière du 3 i a vindu après des jones, ché un viux qui l'a arpris i avo aussi un mini vélo, i devo rester rue Desseligny si mes souv'nirs sont bon. chéto assez cocasse.
notre ami Daniel Poquet dot sûremint s'in souvenir