pacore et mondoche
par minloute le, 15/01/2012ch' matin, à un momint dins l' conversation , j a dit "pacore" au lieu de "pas encore" ..........
cha m a rappelé que cha faijo toudis réagir min père quand qu in mélingeo l' patois et l' français
"pacore pacore , t in fait un bio d' pacore" qui m' dijo
mais li aussi il le f'jo, i parlo tout français , pi à la fin i finisso en parlant d' quelqu un qui s' plaigno toudis , "de toute façon, c'est un plaindart"
alors j oso pas toudis l y d'minder si chéto du patois ou du français, vu qu in coup y l avo mal pris , i pinso que j' l y faijo armarquer qui employo aussi des mots d' patois
mais savez ch' patois cha pouvo aussi vous juer des tours.........
un coup j éto avec un camarate dins s' rue et i m' dit in voyant quéqu un arriver en face d' nous , "tiens vla Mondoche"
in tout cas mi j' l avo compris comme cha, et vla ti pas qu arrivé à not' hauteur ch' vieux i s arrete pour faire l' bise à min camarate , chéto un mononque à li
i comminchent à discuter, pi ch' viu im' ravisse
mi j y dit "bonjour" et l aute y m' dit "bonjour qui ?"
i s attindo certain'mint à c' que j y disse " bonjour monsieur"
mais mi vu c' qui avo dit min camarate j y a dit " bonjour Mondoche"
quo que j avo pas dit là ....ch' viu y s a enervé tout d' suite m' traitant d' malappris, min camarate i éto dans ses tchiots souliers ...............
et comme j allo dire pour m' définte " bin ché li qui m a dit que chéto vot' nom" , im' tire par l' bras et on s infuie en courant
au bout del rue i m explique que dins s' famile , ch' mononque là, un grand sec, un grand dépindeux d andoules si vous préférez , bin dins l' famile in l appelo "mont d' oches" , mont d 'os si vous préférez , mais li yéto pas au courant qu in l appelo comme cha
min camarate i m a dit qui fallo pas que j' m inquiete, qui éto connu dins ch' coin pour sin mauvais caractère
si y croyo m'rassurer in m' dijant cha, chéto perdu, vu que savez dins ché corons , y a toudis du monte su ché trottoirs et qu in est tous connus , "ché l'fils à untel, i zhabitent à tel endroit" ...
mi eune fo rintré am' mason , jusqu au momint du repas j éto pas rassuré, j avo trop peur que "Mondoche" i vienne al' mason faire un scandale
J'ai eu l'tour aussi avec mes 2 tantes (soeurs ed min pére) que maman appelait "ces dames aux chapeaux verts" quand al z'ont buqué al porte , al z'étotent venues d'Annezin rintt visite à leur frére , ché mi qui a ouvert ---Manman , manman ché ché dames aux chapeaux verts....!!
par Marie-Claire le, 15/01/2012Ch'est vrai que les surnoms étotent très fréquents , mi j'm'a fait avoir aussi quand j'habitos à la campagne à Enquin-les-Mines , y avot gramin d'fermes , même si y avot eu des mines et qui a core aujourd'hui deux corons, Enquin chétot l'Far-West du bassin minier , mais cha ché eune aute histoire
Donc y avot un sincier dont l'nom étot Décobert et que tertous appelotent "Bidon"" , j'a jamais su pourquoi d'ailleurs, mais li i étot au courant et ché pour cha que je m'permets ed mette sin nom
Au-d'ssus del mason d'em grand mère (dù que j'restos) y avot quasimint que des patures à vaques, et un jour y avot des gins amon d'em grand mère qui discutotent et qui parlotent del pature à Bidon , et là j'a fais m' maline (j'devos avoir eune douzaine d'années) et j'a dit "ah mais faut savoir si ch'est l'pature à Bidon ou à Décobert"
Tertous ont gramin rigolé et ont fini par em dire que ch'étot el même personne ...
et'mère minloute al ta jamais dit qui fallot tourner 7 fos et'lanque din d'bouque avant d'parler , ché vrai qu'ché courant chés mots la , incor qui faut les comprinte , tiens , el'temps qu'j'y su , ta jamais jué al'doche ?
par vauthier le, 15/01/2012el belle doche ché el belle mère
par maurice devos le, 16/01/2012j'l'avos oubliée ch'te belle doche , et vla qu'té vas m'faire faire des cauchemards Vauthier
par Sopraniste de Bruay le, 16/01/2012ech' cro bien que chéto jué à saute mouton, sul dos ed sin camarate, on éto en' dizaine à la file, on faiso rien ed mal, in n'avo rin d'aut' pour s'amuser
par jpp le, 16/01/2012au n°4, juer à l'doche, cha consisto à mettre quelqu'un dos au mur avec ses mains devant sin vinte, et servir d'amortisseur.
Pi, quelqu'un véno mette esse tête din les mains "amortisseur", donc à moitié courbé vers li, pi el 2è i véno s'appuyer sur el premier toudis à moitié courbé et on continuo avec el 3è el 4è etc;;;
et cha formo eune espèces ed chenille appuyée cont ech' ti qui éto su ech mur. Ach momint là, le reste de l'équipe préno esse élan et plongeo chacun sin tour sur el chenille in essayant d'aller le plus près possible de "l'amortisseur". I fallo quel chenille al tienne bon ... et i fallo que ché plongeurs i n'se cassent pas la g.. in plongeant.
Ceux del chenille i z'avotent leur dos broyé, et ceux qui plongeotent, je vous laisse deviner cha qui s'passo à la réception si leur cl.. y bugotent sur le dos des copains.. Mais in rigolo bien
ché bin cha sopraniste et JPP , et in n'avot bin du plaijir , ach'teur in pourrot pu l'faire ,,,,,,,,,,,,,,,, in est un tiot peu trop lourd