un bruit caractéristique

j' me souviens al' mason y avo des tringles à rideaux, et y avo qu in modèle , un tupe tout simpe in ferale , avec un trou à chaque bout pour pouvoir l intiquer dans un piton qu in avo fixé ach' mur

chéto pas d un grand esthétisme , mais chéto pratique, pi chéto eune époque du qui avo pas comme asteure quinze mille sortes d' tringues , des qui finissent torsadées, ou avec des motifs tarabiscotés

nan nan , et pour accrocher ch' rideau al' tringue , yavo eune espèce d' pince qui veno s' printe sul' rideau , surmontée d un anneau que li in avo intiqué dans l' barre in fer

alors imaginez, crochets in fer sur barre in fer, quand qu in ouvro ou fermo ché rideaux, cha faijo un bruit du diape ............

cha fesot core plus d'bruit avec ché douples rideaux!

in tout cas un truc qui m'a toudis émerveillée, ché que ché femmes al z'avotent einne passion pour leurs rideaux (leurs panneaux) comme al dizottent. i z'étottent toudis bien propps , em manman quand al lavot les siens , y'avot tout d'suite l'voisine qui allot ed l'autt coté de l' rue pour vir si chétot plus bieau ass 'baraque ou al nott.
Min pére i disot " Al va core rinvoyer euss'homme al'fosse avec 2 ratons din sin vintt" si al passe sin timps à raviser ché ferniettes...

Ch'est curieux, rien qu'à l'description j'veyos ches doubes rideaux qui séparottent l'cuisine de l'pièche de d'vant.
Y a un détal aussi qui m'arvient, ch'est qu'avant ches grandes transformations des masons, y avot eu ches plafonds qui avottent été arfaits.
Ch'étot des doubles plafonds, cha faisot des grands carreaux.
Mais pour s'calfeutrer un tiot plus du frod, in mettot des plaques in isorel (disez me si je m'trompe) juste à l'porte de l'caffe - du haut du plafond jusqu'à hauteur del porte.
Et là y avot un doube rideau bien épais qui fermot donc un tiot carré, intre l'salle et l'cuisine et in mettot l'grante bassine pour prinde sin bain.
Chétot l'intimité respectée, l'grand confort, prinde sin bain bien au chaud.