histoires-de-chtis® depuis le 20 février 2005

 

 

Les 60 dernières histoires


  sauf..... (16/10/2017)
  eune goutte d' jus (15/10/2017)
  Dins chés caffes (03/10/2017)
  l' framacie (03/10/2017)
  ché chuques à mon Maréchal (02/10/2017)
  du byrrh au visqui (02/10/2017)
  la joie des jeunes (27/09/2017)
  d' z'obus (25/09/2017)
  examen de cathéchisme (25/09/2017)
  la blanquette (24/09/2017)
  ch' bonhomme perrier (23/09/2017)
  souvenirs douloureux suite (23/09/2017)
  Chés rues ale zavotent pas d'nom (21/09/2017)
  souvenirs douloureux (17/09/2017)
  ch' rabattu et la buée (17/09/2017)
  hatari (17/09/2017)
  El centre aéré géant de Bruay (11/09/2017)
  Bruay, El pont ferroviaire d'Lavolville (11/09/2017)
  Eune consultation al' champe (11/09/2017)
  Eric Denudt artiste peintre un gros coup de coeur (11/09/2017)
  que j auro ker avoir eune chiffernée (10/09/2017)
  Merlimont hors saison 17 (07/09/2017)
  souvenirs d' rintrées (04/09/2017)
  eune pensée pour eusses (03/09/2017)
  à la recherche de nos taïons (28/08/2017)
  Marles-les-Mines, el station SNCF (18/08/2017)
  Vermelles, le nom de la Cité du Philosophe (13/08/2017)
  Merlimont hors saison 16 (13/08/2017)
  collection de poupées (04/08/2017)
  Merlimont hors saison 15 (31/07/2017)
  Auguste Labouret (27/07/2017)
  au coin d' la rue de Périgueux et et de Grenoble (26/07/2017)
  du bout des léves .... (26/07/2017)
  Tour de France (23/07/2017)
  cha vient de Naxos (22/07/2017)
  Première descente (16/07/2017)
  la croix de grès de Divion (10/07/2017)
  attintion aux courants d air (06/07/2017)
  Merlimont hors saison 14 (05/07/2017)
  gai gai l écolier (04/07/2017)
  Merlimont hors saison 13 (03/07/2017)
  Merlimont hors saison 12 (02/07/2017)
  Merlimont hors saison 11 (02/07/2017)
  Merlimont hors saison 10 (02/07/2017)
  Merlimont hors saison 9 (01/07/2017)
  Merlimont hors saison 8 (01/07/2017)
  Bruay et el batalle du carbon (27/06/2017)
  Merlimont hors saison 7 (18/06/2017)
  Merlimont infinqué (11/06/2017)
  La mairie de Bruay en feu (08/06/2017)
  Merlimont hors saison 6 (06/06/2017)
  Merlimont hors saison 5 (05/06/2017)
  Merlimont hors saison 4 (04/06/2017)
  Merlimont hors saison 3 (04/06/2017)
  fête des mères (28/05/2017)
  Flameng, Vimy, Ravel, Cendrars (25/05/2017)
  décès de Monsieur Joseph Malecki (23/05/2017)
  cha tourne à toute blinte (20/05/2017)
  j y a cru (20/05/2017)
  ah l' bon gout d' la levure (18/05/2017)

Vos histoires


Proposer un article

Livre d'or


Ecrire dans le livre d'or
Lire les messages du livre d'or

Derniers messages :


 Alain62 ( 20/09/2017)
Bonjour tertous, hi...
 clarinette61 ( 09/09/2017)
Bonjour à tous Fill...
 Mégane ( 08/09/2017)
Bonjour, Habitant ...
 FRYHTAN ( 30/06/2017)
Bonjour à toutes et ...
 Pascalou ( 25/06/2017)
Bonjour à tous, je v...


Liens
Histoires de chtis sur votre site
leçon d' morale sans beaucoup d' morale ....
par minloute le, 05/02/2012  

y a des coups j' vous in a djà parlé, nous qu in avo un jone instituteux en CM2, y yéto cor assez souvint absent vu qui faijo des staches sur l extérieur

bin sur i nous zinformo au dernier momint , c'est à dire l' dernier jur d' la s'maine pour nous dire qui éto absent l' semaine aprés

là , in abordo ch'te nouvelle avec à la fois eune certaine appréhension et eune certaine joie ...

tout dépindo, j in a djà parlé ,dans quelle classe t allo et' "arversé" ..

les plus zheureux i zaterissotent dins l' classe de CP de Monsieur Mayeux ou d' Monsieur Petiot, i zavotent la réputation et ch est vrai d ' ete gentils et ...d' pas nous zimbeter nous quand qu in éto dins leu classe

aprés té pouvo arquerre dans l' classe d' Monsieur Robitaillé, qu in avo eu 2 ans avant, alors là t avo interet à suiffe , pasque si i s apercevo que té savo pu quéquosse qui t avo enseigné , i t ingueulo sec , mais comme j' la djà dit, i nous paraisso djà à nouzautes qu in avo eune dizaine d années, comme quéqu un d' juste et qu in respecto

yavo eune classe dans laquelle chéto un peu "bizarre" d' querre, chéto l' classe du certificat d étutes, chéto des garchons plus viux qu' nouzautes , un peu plus turbulents , qu in raviso plutot d' loin dans l' cour d' la récré ...

aprés yavo des classes du qu in s ennuyo ferme , le CM1 par exempe, à moins bin sur d' querre dans la classe de Monsieur Pruvost du que là parel i nous zimmerdo pas si in avo la bonne idée d' pas ouvrer nos gamelles durant ses cours ...

ché que l' lundi matin qu in savo dans quelles classes in allo et' réparti

d' ailleurs quand que l' cloche ale avo résonné et que ch' coup d' sifflet des' mette in rang i avo retenti , in s' metto nouzautes en rang tout seu, sans avoir not' maite pour nous aider à nous aligner

ché à ch' momint là que l' directeur i arrivo avec s' liste d' répartition des éleffes dans les classes ..

i avo aligné s' classe qui dirigeo d eune main d' fer en queques secontes, confié ch' t alignemint à un fayot , j' sais cor tin nom et tin prénom tizaute d ailleurs ......


et i v'no vers nous , ou plutot y déchindo sur nous , comme le stuka allemand sur les troupes francaisses durant l' mo d' mai et d' juin 40.......

cor que li i metto pas eune sirene in route quand qui piquo sur ses victimes ...

j in a djà parlé, comptez pas sur mi pour met' sin nom , mais j' l a pas oublié non plus, pour mi al' reflexion , chéto pas quéqu un d' trés pédagogue , ni un exempe pour l éducation des zinfants ...

bref, i arrivo par derriere l' groupe et i prenno plaiji à foute des targnoles in arrivant par derriere , cha claquo sut' n orele, et t avo l'tiete qu ale faijo ding dong comme ch' carillon ouesseminstere qui yavo al' mason ............


aprés avoir foutu eune paire, et cor ché eune expression allez in va dire un minimum d' quat' torgnoles, toudis sans élever la voix , tout cha pour pouvoir in surprinte d autes dins l' groupe, i s' metto d' vant nous

j' vous jure qu in nous zauro pas mis eune feule à cigarette dins l' derriere, tel'mint in l' craigno

i devo s in rinte compte, j' su sur que chéto "jouissif" pour li

j' vous dis cha voyez avec toute l' retenue possipe , mais pour que vous compreniez l' type d' personnache que chéto

i nous faijo nous aligner, nous raligner, pi i prenno eune grante feule, et i cito ché noms pi aprés i dijo dans quelle classe t éto réparti

j' do vous dire aussi, et j' vous jure qu' ch est vrai , que j a rar'mint eu d' bol à ch' ju là, as' deminder si ch est pas li qui gardo avec li ses "préférés"

mi j' devo et' dins ses "préférés" pasque , à pratiqu'mint chaque coup , avec 3 ou 4 camarates, in formo le "noyau dur" de ceux qui avotent drot à passer au moins eune bonne partie d' la s'maine dins s' classe ............

in espéro toudis et' appelé, mais merte, ché éléffes qui allotent avec Mr Pruvost ou Mr Petiot avotent djà quitté ché rangs .

cha s'ra pas nan plus avec Mr Mayeux, Adieu Mr Robitaillé cha s' ra pas avec vous cor ch' coup chi

les rangs comminchotent vraimint à s éclaircir, et j' vous jure qu in in menno pas larche et qu in voyo s' tiete à ch' directeur comme s illeuminer ....

cha yest , cha s' ra meme pas avec l' classe du certificat d étutes, et in intindo alors la phrasse qui tuo " le reste, vous zalllez arjointe en rang les éleffes dem' classe et zallez vous aligner derriere eux"...

cha y est , in y parto mes gins , escusez me pour l' comparaison, mais in avo l impression au miu d'partir au bagne mais in l' connaisso pas l' bagne, mais in avo l impression d' partir dans un camp d' concentration ..........

j' vous in a djà parlé de ch' directeur là, mais j m' a arsouv'nu ch' matin d eune anecdote

quand qu in éto dins s' classe, i nous considéro ou i voulo nous considérer comme on éto aussi en CM2 comme les moins bons des CM2, les meilleux étant chez li , c' qui pouvo ou voulo interpréter comme si il éto ch' meilleux instituteur...........

alors i nous poso des questions du ginre "quo qui pese l' plus lourd 1 kilo d' plumes ou 1 kilo d' plomb", mi j avo répondu 1 kilo d' plomb, j avo archu eune targnole et toute s' classe ale in avo rigolé avec un rire d' hyenne que j intinds cor asteure ...................

et vlà ti pas qu un matin, i nous fait eune leçon de morale, alors imaginez eune leçon d' morale par un instituteux comme li ...

i avo choisi , j' me d'minte si l avo fait au hasard , mi j' a été et j'su toudis persuadé que chéto prémédité ....


et ch' coup là chéto sur la propreté ...

y avo sorti eune fiche cartonnée, lu l' histoire , interrogé plusieurs éleffes sur la propreté, et biscornu comme y éto y interroche un d' mes camarates d' classe li aussi parachuté dins s' classe sur c' qui pinso d' l histoire

l' aute , dont j' sais cor ch' nom aussi, i réponds bin , en li dijant qui faut toudis et' prope et patati et patala

et là à la fin ch' maite i claque s' regue en fer sul' tape , i s emporte et i d'minte à ch' garchon d' venir au tableau

faut dire aussi, qu' min collegue d' classe i sinto pas toudis la rose, am'mote qui avo des matins du que ch' gant i devo pas v'nir en contaque avec s' piau...

l aute i s' ramene au tableau, ch' directeur i s emporte expret sur li et i li dit d' tinde ses mains, ch' pauve malheureux i avo les ongues noirs .....

mon diu , toute l' classe ale l a su, et si ale avo pas cor compris , ch' directeur y a fait tout l' tour del classe , d' chaque éleffe, pour que l aute i tende à chacun ses mains sales, et que chacun i puisse faire un air d' dégout, pousser un rire d' hyenne ...

min pauv' fiu à cause d' ti j in a arpris eune torgnole pasque j a pas ri ou pris un air d' dégout , mais bon j l argrette pas celle làle

croyez pas que cha s'passo du temps des mirapes, chéto aprés mai 1968

par chtitalienne le, 05/02/2012

nous zautts , in avot eune institutrice qui accrochot nott cahier dins nott dos et in d'vot faire l'tour de l'cour pindint l'récréation pour faire vir à tertouss nos mauvaisses notes..!!


 


Contact | ©2005 histoires-de-chtis®.com - Webmaster : Gold77 - CNIL : 1075910 - 17 visiteurs connectés - Qui est connecté ? |