un peu d'humour
par vauthier le, 08/02/2012dech temps in ch'momin un peu d'humour cha fait du bien
un souvenir des années 50 quand in passo sur el nationale à Aire sur la Lys y avo eine devanture ed charcutier où in pouvo lire sur el facade "ici on fait l'andouille de père en fils", ché pas ed l'humour chti cha
intre parenthèse ech l'andouille d'Aire chéto quetcosse.
y avo aussi mais la j'm'souvin pu din quelle ville un magasin electro ménager qui s'appello Duchaud et y metto comme formule "Duchaud le spécialiste du froid" pour vinde ses frigo. Si y in a qui connaisse el ville ed Mr Duchaud y peuvent el dire
L'andouille d'Aire ouais ale est très bonne
A Aire y a tous les ans un "festival de l'andouille", el premier dimanche ed septempe
Ché la fête dins la ville et tous les ans el dimanche après midi sous un chapiteau qui z'installotent sur el plache y avot eune vedette del canchon qui vénot , ch'étot toudis d'ailleurs des grosses vedettes
Et el plus marrant del journée ch'étot el midi sous l'baillage del plache la foule se rassemblot et el maire jétot des rondelles d'andouille ...
Ales étotent imballées dins des tiots sachets biens fermés et i in lançot des sacrés quantités, tout l'monte arrivot à n'avoir au moins eune ou deux rondelles
J'a connu cha jusqu'à la fin des années 70 et jé n'sais pas c'qui fait core asteure
din ché rigolos pour leur enseigne, ch'cro que la vedette i s'trouvo din l'rue d'la République à Bruay à 100 mètres de l'ancien commissariat.
Ch"to un marchand d'vélos et pi d'mobylettes qui s'apélo Monsieur Delbende et i avo appelé sin magasin "la pédale Bruaysienne" avec inne pancarte sur el fronton qui faiso au moins 7 mètres de long sur 1 m de haut...
et i n'manquo pas inne occasion de faire del publicité din les petites annonces, in mettant bien sin nom suivi dech nom du magasin!
Dins min villache à Enquin el charcutier s'appelot René Caron et sur ses papiers d'imballache ch'étot marqué "Chez René tout est frais, chez Caron tout est bon"
Et ch'étot bien vrai d'ailleurs, jé n'mingera pus jamais del charcuterie aussi bonne que l'sienne, du gambon comme in in fait pus et des fameux patés, et tout étot bon à s'mason