l'frodure

pour réponte à marie claire d'su chés côtes din sin coin "Enquin" j'cros , j'em' rappelle d'in côte , "à Estrée Blanche" ché din ch'te cote qu'j'ai pas réussi à monter avec min camion , chargé à mort "in plein été" chétot in 1962,

pour arvénir à l'hiver , din chés années 82 , 83 ou 84 , in a eu in hiver frod sans plus , avec grammint d'neiche , em'file al étot au lycée à Liévin , j'avos été l'conduire un lundi avec em 2 cv des années 1953 , j'avos passé par es'n'arret d'bus mais bin sur vu l'neiche y roulottent pas
et là d'su ch'banc yavot in bonhomme qui dormot , yavot in cabine téléphone in face j'ai appellé chés flics , y m'ont répondu c'est pas notre secteur , appeller "Avion", j'ai répondu "j'ai mis un franc", j'ai fais min devoir à vous d'faire el vote , in arvénant j'su arpassé par là et ch'bonhomme yétot pu là
et ché l'fos la aussi qu'j'ai patiné à un stop, ya in gentil femme qu'yé v'nue avec sin bac à chinte et qui la versé pas d'sous mes roues , cor merci madame,
el suite in verra d'main ou ,,,,,,,,,

Pour el côte d'Estrée-Blanche i n'a eune à chaque bout du villache, eune qui va vers Enquin et qui est pas mal mais à l'sortie dins l'aute sens i n'a eune terripe in S , cha dot ete chelle là que t'as pas pu monter

cha yé j'ai arpris min souffe , el frodure pour nous din l'temps chétot habituel , tous z'ans chétot parel et in sin plaignot pas , chétot comme cha

pour nous chés gosses surtout chétot , l'momint d'faire des glichates din chés gulots et d'sur ches trottoirs et même d'su chés routes (pas d'carettes à l'époque ou très peu)

chés z'adultes y rouspétotent passe que cha dévnot dangereux pour eusses , et nous in rouspétot passe que chés gins y metottent des chintes d'su nos glichates , brafs mais pas téméraires , in rouspetot in sauvant , mais bin sur yavot l'invers d'el médal

d'abord yavot ech'chauffache , in bas yavot pas d'problême avec in bonne cuisinière au carbon din l'cuisine et par la suite un convecteur din l'salle

mais in haut chétot aute cosse , GLACIALE mes gins , des fleurs ed' gives à chés carreaux , des draps j'vous laiche deviner l'frodure , et la yavot in astuce qui datot pas d'ach'teur, mais ya des sièques , chétot d'récauffer chés draps , soit avec un fer à repasser ou in brique , qu'yavot passé s'journée din ch'four d'el cuisinière , chétot pu agréape

quand j'y pinse ach'teur , bin j'avos l'impression d'rintrer din des draps moltonnés , ché dommache cha n'éxistot pas ach't'époque , chés fers a repasser d'em mère ech'j'sais cor , j'vas essayer d'mette el photo
à d'main pi tête si j'ai récupéré d'es z'éfforts

in vient d'apprinte qu'à l'usine peugeot , chés ouvriers y protestent passe qui fait frod din chés ateliers , pas plus ed' 10 degrés , y z'ont raison cha dot pas faire bin caud
mais du coup cha m'fait arpinser à chés années 1964 à 1969 , j'travaillos al C I M T LA RHONELLE à Marly les Valenciennes , in faijot des wagons pour el S N C F , j'étos d'su l'soudache ed' chés chassis , et pour avoir l'autorisation d'souder d'la S N C F , fallot un minimum ed' température (j'sais pu combien ed'degres)bin y metottent des braséros , cha cauffot juste assez pour avoir ch't'autorisation , et comme in étot payés aux pièches (4 par jour) bin in avot pas l'temps d'avoir frod

et tout cha m'arfait pinser , "mais la j'etos cor gamin", qu'l'hiver dés qu'yavot un tiot quète cosse qu'yallot pas , al plache ed' chés antibiotiques , em'mère al nous faijot des sinapisse , avec d'el farine ed' moutarte, du révulsif, in appellot cha des rigolos, chétot pourtant pas marrant mais alors pas du tout , in in brayot, et fallot pas l'inléver avant j'sais pu combin ed'temps