mes Noëls ed' gamin

nos noëls à mes frères et soeurs (8) et les miens , y n'étotent pas tristes malgré qu'in faijot pas l'fête et malgré qu'in avot pas d'cadeau , à part in coquil et un oranche à l'école , el seule ed' l'année

chés premiers juets , ché min père qui z'a fait , in poupée pour mes soeurs et un n'avion pour mi et mes frères , tout cha taillés din in raccourche , ch'l'avion ya fini d'su un poteau d'fil à linche , din ch'gardin

mais j'ai in aute souvenir, chés chés colis qu'in archevot d'Amérique , et ouais aussi bizarre qu'cha peut paraite ché vrai
chés premiers jus d'fruit qu'j'ai bu cha vénot d'la , mais chétot pas liquite , chétot d'el poute , à mélanger bin sur avec d'el l'ieau , yavot plusieurs couleurs et bin sur plusieurs gouts

cha ché chés gros souvenirs quand qu'in vot qu'ach'teur , cha fourmil din tous chés magasins, et pi yavot chés z'autes colis din l'année , yavot ed' tout des ropes ed' couleur avec des bielles fleurs , des godasses ed' femme , avec des hauts talons , em'mère al savot pas quo in faire et mes soeurs y étotent cor trop jones pour mette cha pi chétot pas cor l'mode pour chés jones files

in fos pour em'n'anniversaire j'ai archu un colis rien qu'pour mi , cha n'étot qu'des godasses ed' femmes , j'cros bin qu'si j'savos eu à coté d'mi y chés ricains s'arotent fait ingueuler

mais j'cros qu'ech'plus bieaux cadeaux pour mi cha a été in chinture ed' coboye, avec deux pistolets, et ches implachemints pour mette chés cartouches , in allot juer aux coboyes din chés maisons in constructions, din l'cité des fleurs à Lens

donc cha cha a duré jusqu'apres 1948, chétot des marraines qu'in n'avot din ch'pays passe qu'in étot pupil ed' la nation, (grace) à min père si un peut dire, qu'yavot été déporté politique in 1944, cha m'arpinse à quête cosse ach'sujet la :

Ci-joint l'attestation de Pupille de la nation