t'est pret ?
par minloute le, 19/02/2012à cht' heure chi y a ......................plus d' 40 ans, chéto l heure du qu' mes parints l'diminche soir i zallotent querre l' grosse lessiveusse in fer qui éto dins l' barraque , pour l' installer au coin du fourneau
m' mère ale allo verser eune paire d' siau d' io d' dins, comme cha au matin, l io ale s'ro djà un peu caute, yauro pu qu à arcarquer ch' fourneau in carbon pour faire arpartir ch' fu et mener l' io à bonne température
j a jamais eu ker l' diminche soir, j' l' attindo le "t'est pret ?" "ouais m'man" que j' dijo ...
"t'est pret" , cha voulu dire , "tin cartape y est pret pour demain?" et aussi "t' est conno bin tes l'çons ?"
al' reflexion chéto pas inutile vu que cha m arrivo fréquamint d' oublier quéquosse, un cahier, un livre, ou l' pire d' tout , s'trousse
pasque si ch' maite i s in arperchevo quand qu in éto en primaire, chéto punition assurée
à ti d' vire avec tes camarates d à coté si i t' donnotent rapid'mint un crayon ou un porte plume d' rabiot
en sixieme, chéto pas cha que j' craigno mais j a l' souvenir qu in sixieme in commincho l' lundi matin par des mathématiques
mon diu....... les "si et seul'mint si" , les a carré les b carré , les ensempes E , l infini.................. sans parler d' la géométrie ..............pour mi chéto comme comprinte les hierogliffes égyptiennes avant l' découverte del pierre d' Rosette ....bref , du chinois ...
diminche soir, cha y est , "y a pu qu'à" , y a pu qu à plonger dins l' semaine qui arriffe
j' traino pas l' diminche soir, fallo vite aller s' couquer , "ch est l'début d' la semaine d' école"
cha m est resté d ailleurs, j a toujours pas trop ker l' diminche soir ...
allez savoir pourquoi...
diminche après midi j'ai d'mandé am'tiote file d'onze ans , avant qu'al s'arvache si al voulot cor rester al barraque in nuit , bin al ma répondu
OH OUI, "comme ça pas d'école demain" ed'pu vendredi soir al'étot avec nous, conclusion bin vaut miux ête avec sin viux ronchon d'grand père , qu'd'aller à l'école