la bienvenue à tertous
par minloute le, 06/03/2012in vo régulier'mint des nouviaux qui viennent s inscrire, bin cha fait plaiji, pi in sait qui zauront d' quo lire durant un bon momint , vu l' nompe d' sujets qu in a mis depuis plus de 7 ans
7 ans que cha passe vite, j' su contint d avoir gardé l' sens qu in voulo donner au site avec Marie Claire quand qu in s a lancé dinch't aventure là
au début y a fallu un bon momint pour que cha "accroche" , in a été patient , et in a connu plusieurs embal'mints dans l 'nompe d' visiteurs, y a bin fallu d abord plus d'1 an et demi pour qu in vo l' nompe d' visiteurs s accroite
bienvenue chez les chtis , cha nous a amené aussi beaucoup d' monte
in n est pas les seuls à faire un site sur not' région, et ché tant mieux, comme cha chacun peut apprécier la diversité des blogs et sites qui peuvent traiter l' sujet
chacun y apporte s' patte, sa contribution à édifier en quequ' sorte eune espéce d' monumint collectif d' la mémoire
certains vont l' faire d eune manière plus humoristique, d autes vont traiter surtout l activité au fond d' la mine, certains vont mette en avant d' très belles photos, d autes vont travailler l' texte, certains seront plus poètiques, d autes seront plus techniciens
certains auront fait d' zétutes, d autes nan, certains parlent l' patois , d autes pas, certains sont cor dinch' bassin et d autes in sont partis
j' trouffe que ch est important d' collecter tous ché souvenirs, oh souvint des impressions , ou des tous tchiots momints d' la vie quotidienne mais mis bouts à bouts in arrife à ARCONSTITUER LE QUOTIDIEN QU IN A VECU
cha va des ouatères à l extèrieur, au pain d alouette, à ché souv'nirs d' repas ou d' buée , pas des grants souvenirs certain'mint
mais des vrais souvenirs qui permettent aussi d armette au gout du jour, sous la leumière, des gins qu in a connu tout tchiot mais qui nous ont laissé un sacré souvenir
un instituteux comme MR ROBITAILLE, un prète comme l ' Abbé MILLE, un camarate d' classe, eune tante , eune grand mère, un vigin, bref tous ché gins qui ont marqué not' esprit
à croire que souvint chéto des personnes bien ...
nous ché "exilés" qu in est parti du bassin, in a plus en plus d' mau à trouver not' plache en armontant par ichi
dins ché rues in conno pu grand monte, in est plutot dans l' formule "ichi habito untel" , "là chéto m' mason" , "ichi yavo eune voyette", "là chéto m' n école" ..
in est un peu perdu quand qu in vo des quartiers entiers d' not infance complet'mint rasés, ou comme l année derniere avec l' transformation d' la cité des electriciens d' bruay en eune espéce d' art contemporain avant gardiste , mais qui respecto pas ché gins qui habitotent ichi avant
avant y a eu des cinsiers, pi eune aut' époque avec ché premiers mineurs, sans compter l age dor , pi la recession et enfin bruay commint qu ale devient
tout cange, ché pour cha, qui faut garder eune trace écrite d' tous nos tchiots souvenirs et ché à quo in s a attelé
un grand bonjour ed bretagne
he ouais comme té dis si bien minloute et cha ché vrai mi quand j'armontte din l'pas d'calais et bin j'artrouf pus min bruay ed dinl temps ej' me sins in etranger et mis cha m'fais tout drole cha m'fais tous drole din min vinte
che pour dire esse su allez ach l'ecole d'em n'infance ché a dire a felix faure chetos el sortie ed l'ecole chu dequindu dem karette pour faire vir em ancienne ecole a min tiot garchon et chetot el' sortie ed' l'ecole
mi jne sais point mais j'avos comme inne impression qué che gins im surcot bizarremin in disant che qui che etrangers la mi che l'impression q'cha ma fait enfin ej' mé console car j'ai pu reussir a faire parler le chti-mi a tous che bretons qu'ej connos et y cominche a bin l'pale y sont pas si drole chez bretons
ché vrai que l'histoire vécue est super importante, et que nos successeurs seront bien contints d'ar découvrir des trucs ed ché archives montées par marie-claire et minloute. Bravo à tous les deux.
Déjà actuellement on s'aperçoit que bien des trucs à peine vieux de 30 ans comminchent à s'évaporer, alors que d'autes choses sont cor bien vivantes in s'y mettant tertous, j'in veux pour preuffe l'nombe d'interventions qui a eu sur les commerces du boulevards Basly. Continuons tous ensemble avec ché deux capitaines.
bin nan qui sont pas droles chés bretons
in preuf in vraie , n'din vla in
malheureusemint pour mi min garchon yé devenu breton (par sin boulot) cha fait ach'teur in vingtaine d'années , em'belle fille native du finistére , et ses parints des gins formidapes , chés des gins comme nous rutes au traval , mais très accueillants