min déménagemint

bonjour à tertous
y fallot qué jel vous dis vous pouvez pas savoir quoiqu' cha fait quand in déménache.

Chetot din les années 1972 min père après avoir travaillé à Carbolux à Gosne, un jour y nous a annonché qui fallot qu'in déménache, j'etos cor pétit et pis j trouvos cha drole.


Min père a comminché à abatte elle baraque à carbon qui yetot d'vant maison et ch poulailler, ya laisse che camps à un visin pour cha j'etos contin ej dallos pus aller aj gardin, mais bon et pis ell jour arrife ech camion yetot la pour kerke che meupes, la j'vous dis pas, la cha ma fait quetcos enne pus vir min tchiot coron, min copain jean-claude dit boujou, mes visins, la j'ai cominche à brere et pis nous sommes montés dinch cul dech camion et direction ch'nord a ESCAUTPONT

ha bin sur cheto tout neuf inne camus bas avec un pétit gardin, un poulailler ou in peu mette ine poule et inne devanture avec des fleurs, pas des petotes mais des fleurs ho uuuu mi qui avot jamais vu cha.

Che gins y nous traitottes ed boyaux rouches, à l'ecole chetot pas parel ej vous dit pas j'ai attrape ech cafard pindant 6 mos, mais après cha a été jmin su arfe des camarattes et cha été.

Ech chu rintre din les HBNPC ach l'usine Rousseau et cha a fermé aussi et rebelotte ya fallu qu j'in canche ed région, ech chu rintré à EDF in Bretagne et j'ai rattrapé ech cafard mi et pis m'finme in rintro tous les week-end dinl l'nord.

Cha a duré 6 mos aussi et asse teur cha fait 27 ans quej chu la et asse teur tout va bin.

Ej vous raconte cha car ej cros que j'en' suis pas el seul dins ch'cas la.
allez ad puk et comme y disent par ichi kenavo

Ché vrai qu'in mettot aussi ché gins qui déménageottent dinch'camion, ej vos core ché vosins partir (in étot in 1956), i z'étottent assis dins l'cabine d'ech'camion, y'avot meme ech quien "Tom" tout contint avec ses 2 pattes such'tableau d'bord.
L'vosine al avot dit à manman , Mme P... vous donnerez à minger ach'cat, bin in l'a vu trainer pour un peu sul toit de l'baraque ech cat, i ravisot din'l'cuisine vide et pis aprés in l'a pus vu.
Mon Dieu in voyache sans moteur ichi , seulmint avec ess tiete et sin coeur
Que ché bieau