l'héritache...
par chtitalienne le, 11/03/2012L'porte al est grand-ouverte l'odeur d'ech lilas y'invahit l'pièche, aujourd'hui , manman al s'est levée d'bonne heure pour cuisiner ché 2 lapins que papa y'a tués hier. Min pére y'a jamais tué un animal d'vint mi , im 'disot toudis quand y'étot in train d'aiguiser sin coutieau such mur " Rintt al maison" j'obéissos, vous savez que ché lapins i courottent comme des fous dins leurs clapiers quand i veyottent min père faire aiguiser sin coutieau..
bon , j'arviens à min sujet, alors, ej sus in train d'juer avec Lulu such'trottoir, "Té sais Lulu aujourd'hui j'ai mes tantes , et pis m'cousine qui viennent -te minger al maison", al artire sin nez du coup, al sait que ch't'aprés midi cha sra pas la peine qu'al m'appelle .
Ej vos arriver au coin de l'rue ou plutot , ej vos in premier ché 2 fauteulls sul toit de l'voiture , cha y'é les vla!!
Sus continte , ej saute comme eunne maguette .
Min tonton i décroche ché fauteuls aidé d'min pére.. in rintt tertouss.
In s'met a tapp, "Oh c'est pas joli çà" qu'al dit ma tante Paula , al vient d'trouver mes chaussetes sales qu'j'avos laichées su l'cayelle , ej l'ai pas fait exprés hein , ed toute façon ej savos pas qu'al allot cugir chelle cayelle là..
In s'assit tertouss à part manman qui va de l'cuisine à l'salle à manger sans arrêt.
Y'a des tomates in forme ed paniers avec des crevettes et de l' mayonnaiss, ché bon , aprés y'a des frites , ech'lapin, "Vous jetez pas les têtes Prudencienne qu'al dit m'tante à manman" Toudis l'parole bonne pour ett mette in joie qu'al avot elle!
, j'ai fini d'minger , j'ai invie d'aller juer dehors astheur mais j'oss pas quitter l'tapp..
Après ch'café , ej vos papa et mes deux "matante" s'lever et partir dins l'baraque , avec un air comme si al z'étottent arpoursuivies, al s'artournottent in marchant..
Ej ravisse manman , al a un drole d'air aussi , ej comprinds pas pourquoi qu'al va pas vir dins l'baraque .
Les arvla , papa y'a ses yeux qui brillent et i tient s'main dins l'poche ed sin pantalon , cha été comme cha pour l'reste ed l'aprés midi , ej l'ai meme pas vu s'rouler einne sigarette
J'ai su bien longtemps aprés qu'al y 'avottent donné un tiote bourse avec ed'dins des Napoléons d'or et cinq Louis d'or (un pour chacun d'nous zautts infants)
PS: J'ai rien eu mais cha fait mi rien , j'ai mes souvenirs à raconter ichi et ché cha m' richesse à mi!
Les souvenirs mettent des ailes et viennent se poser sur les branches d'histoires de chti. Ché bieau hein??
cor un nouvieau capitaliste , gare à ch' l' I S F , cha fra toudis cha d'moins qu'in paira pas
cha m'rappelle qu'min père y tuot chés poules et ché lapins , chés pigeons etc , em'mère al adorot chés tiêtes ed' lapin
à chaque fos qu'in in mingeot même après note mariache in y rapportot l'tiête, et pi j'avos in tante qui avant ed'tuer sin lapin al y inlevot un neul al le laichot saigner , ech'lapin y gueulot et al le tuot après , "ch'coup du lapin" mi j'em sauvos j'ai jamais compris l’intérêt d'cha , à moins qu'al faijot du boudin avec