ch'père Boyaval (el publicité-papier 5)

ichi ché einne photo d'buvard du qu'in lit el tampon dech commerçant!!!! Einne pièche! Ch'père Boyaval.
Qui ché qui n'la pas connu din sin magasin de sports à côté d'ché bureaux d'la voix du nord?

Je m' rappelle el capharnaüm que chéto din sin magasin. Mais in y trouvo tout cha qu'on voulo. I suffiso del demander ach père Boyo et il allo kère du qu'chéto din ch'magasin.

Commint qui féjo pour s'y arconnaitre din sin foutoir. y a jamais personne qui a compris. En fait y avo rien à comprinte, ech l'ordinateur del logistique chéto sin cerveau. Tortueux à m'navis.

Je m'rappelle avoir voulu acaté une paire de godasses de foot, et il l'avo pris sur einne étagère. Chéto el pointure au dessus qui m'fallo. Boyo y est allé m' kère el même paire de godasses, même modèle, une pointure plus grantte mais sur einne aute étagère, à l'aute bout dech magasin.
Et inne cachot jamais. La réponse al keyo dans l'instant.

ché là que mes parints m'ont payé min premier ballon d'foot noir et blanc in cuir avec les chaussures. in auro dit des des godasses d'sécurité.

Bonjour tertous,
mi aussi ch'est là qu'mes parints is m'ont accaté mes premières godasses ed foot, ch'étot bin sûr avec des crampons in cuir, et aussi min premier maillot et mes chaussettes d'foot (tous les deux in jaune et noir) mais is m'ont jamais accaté un ballon in cuir pisqu'après j'ai jué à l'école et à l'USB
J' vous mets eun' photo

L'photo del pub m'fait sourire.
J'me sus dit i z'ont accaté des
chnouboutes
In déformot pas mal ches mots nos chnouboutes, dit autremint ch'étot des snowboots, des tiotes chaussures in caoutchouc qu'in infilot souvint sur des pantouffes in feutre bien fermées par ed'dus par des ginres d'grandes agraffes. In avot bien caud avec cha aux pieds.

A bruay y'avo aussi un aute marchand d'artiques d'ess sport. Chéto à la gare à côté d'ech marchand ed fleur. Un pétit magasin. J'mé rappelle pu d'ech nom.