autour del tape
par minloute le, 20/03/2012chéto en 2007, in avo un r'pas d' famile et à un momint j' raviso "ch' coin des viux"
savez ch est toudis parel, in met ché anciens tous insempe d un coté del tape et à l aute bout ché plus jones ...
d' un bout del tape à l aute, peut yavoir plus d' 80 ans d écart, 2 générations au moins ....
d' un coté cha resto bin sag'mint à tape, et su la droite ché jones i restotent pas in plache et souvint i partotent juer dins la cour du restaurant
d' nou temps, in auro j' pinse osé d'minder à déchinte d' tape aprés ch' dessert , mais asteure, djà après l intrée, té lé vo ché jones s involer partir comme eune volée d' moniaux, sans vraimint nous zin d'minder la permission .....
j' m a fait l' reflexion que si in arfaijo ch' repas là dans 10 ans , bin yauro tout un coin del tablée qui risquero d' pu et' présent .....
d' année en année, ché prévisions as' font que s' confirmer, fallo pas et' grand devin, zétotent djà bin agées, mais ché sur qu à chaque départ, meme "prévu" , ch est eune partie d' not' infance , d' nos souv'nirs qui nous arvient d un coup ..
ch' est la vie diront certains, ale éto djà agée diront d autes , n' empeche que ché toudis "troublant" l' départ d' quéqu un , ché eune pache qu as' tourne ....
mi ej prinds cha comme un match ed foot (La vie et la mort) em premiére mi-temps al est bientot finie aprés y'a l'autt mi-temps à juer et ej sus bien curieuss ed vir qui ché qui m'attind such'terrain.. j'ai gramint d'cosses à d'minder ach'l'arbitre aussi...