l' diminche
par minloute le, 26/03/2012nan ,m'man j' t a djà dis l' séance d' cinéma ché à 17 h00 , faut compter j's'rai là vers 20 h00
ouais j' sais ch' flime i dure pas si longtimps qu' cha , mais in sortant in va discuter un tchiot peu
nan ,m'man , in va pas au bistrot, in tout cas si in y va mi j' bo un chocolat
j' sais pas m'man du qu in iro, nan, té peut et'sur qu in ira pas à l aristo
nan mais té sait , in va juer eune partie d' flipper aussi, ché pour cha que j' peux pas rintrer plus tot
ah nan ,si ché pour rintrer à 19h autant que j li ale pas, sinan i vont tous es'foute d' mi ....
ouais j' sais m'man, li i rinte à l heure qui veut et ché pas un exempe
nan mais y a pas qu' li m'man, nan d ailleurs j' sais meme pon si va vraimint et' là ....
ah nan ,j' va pas met' ch' truc là m' man, i fait assez caud
nan , m' man , j' mets pas cha, cha fait viu
ouais m'man, ch' pull troué, ché miu , té peux pas comprinte ....
ouf cha y est , j attinds d passer l' coin del rue, et j ouve min mantiau, j' donne un coup dins mes caveux, et fini l' belle line sul' coté , nan mais ...
j a 16 ans, ché les premieres sorties du diminche aprés midi, in s artrouffe entre copains du Lycée , in do et' en s'gonde am' mote
ni plus des tchiots ni pas cor des grantes personnes ....
in a tout fait pour cacher ses boutons avec l' crème qu in met, in fait in a tout claqué ché boutons , in veut pas déchinte en ville avec des champignons d' sul'guiffe ....
in comminche à et' bin interessé par l' soeur du copain, bon ale est cor juste in peu plus jone qu' mi, mais bon j' sins qu in s intind bien
par conte pas la peine del vire in dehors del sortie du diminche , d abord pasque ché sorties ale zétotent quand meme encadrées, ou tout du moins in devo dire du qu in allo , avec qui et arvénir à eune heure bin précisse
mi l' soeur d' min copain, in s avo ker, mais pas facile d' échapper à la fo aux parints qui m' ravisotent d' travers et meme min copain qui veillo sur es' soeur comme un joayer sur un diamant ....
in arrivo quand meme à s assire pas trop loin l un d' l' aute, jamais trop près au départ, pi eune fo ché gins presque installés, in inverso des plaches pour s artrouver plus près ...
chéto l' temps des attintes devant l' cinéma Le Casino, bon j' do dire qu in s'dépécho d 'déchinte "en ville" , pour arriver à mon dech' papou pour boire un verre avant d' faire la queue , ou alors in allo au maxeville, mais mi j avo moins ker , chéto quand qu in allo au cinéma Colisée
sorties d adolescents, qui in fero bin rire pas mal asteure, mais que voulez vous, in sorto pas comme asteure y a pas si longtimps
faudra attinte d aller aux séances du ciné clup d' bruay, l' soir vers 20h 20h30 au Colisée, pour , dins l obscurité, commincher à passer sin diplome d' secouriste ..........
j avoue que j a pas vu grand cosse du flime , "les émigrants", ni des zautes titres, pasque in plus j' me souviens pu des zautes ....
ah si j' avo été impressionné par le flime orange mécanique, faut dire aussi que chtilale i éto plus que spécial
in parlant du colysée j"éto à l'inauguration ech film chéto "le vicomte de bragelonne" , à l'entracte y avo eine attraction chéto le trio raisner pour ché plus jones chéto des harmonicistes connu à l'époque Albert un des deux frères y avo animé al télé "salut les copains "