dins l' rue d' Paris

dins l' rue d' Paris, y a un indro du qu' té peut arjointe à pied d un coté la rue Anatole France et d' l aute coté in carette tu du moins dans l' temps , al' rue d' Béthisy

ch'est là ach' carrefour là que j avo l' drot avec m' mère d aller à la ducasse
ouais vu l' plache chéto eune toute mini ducasse, mais chéto djà un gros zéffort pour que m'mère ale veule bin v'nir m' conduire ichi
in acato du nougat d' montélimar, j' faijo un tir à la carabine , pi vite fallo rintrer, cha li plaijo pas ch' t ambiance là

y a fallu que j' so plus bin plus grand pour déchinte al' ducasse d' la place Marmottan, dire que ptete que j a crosé sans l' savoir Daniel ou Nounours et qu in s'connaisso pas cor

là in avo ker aller de stand en stand, sintir l odeur des pétards, des baraques à frites, avoir les zoreles toutes assourdies par ché forains qui vous zincitotent à v'nir tenter vot' chance au tir à la carabine, al' loterie, à rintrer à l intérieur pour vire l' femme l' plus grosse du monte, et que dire quand que t approcho des manéches .....


pour in arvenir ach' garache Bondues ,ch est vrai qu en passant in intindo toudis ché zouvriers travailler à l intérieur , ronfler ché moteurs, ....ou faire querre eune clé metallique à terre .. yavo l' odeur d' l huile , du cambouis, sans oublier l odeur du caoutchouc des pneumatiques

pi comme la plupart des garagistes ou concessionnaires d' Bruay, so i zont arrétés so i sont partis à la porte nord, comme tout l' monte ......

ale ducasse Marmottan i avot el baraque à frites in bos située sur l' plache .
j'em demante incor commint asteur ale n'a jamais pris fu.
i n' fallot pas ete obèse pour allez i minger.
chéto des espèces d' couloirs étroits avec des bancs et eune tape au myeux.
avec des tiotes pancartes accrochées au mur :
Arras, Auchel, Bruay etc...
et une tape ronte ché la que bien souvint ché forains mingeotent.
l' patron qui nous connaissot bien notamint m' tante et min parint a arrêté i a une dizaine d'années.
trop écrasé par les charges.
des fos les gins faisotent la queue dehors pendant une heure in intindant d' pouvoir minger.
ej cro que tous ché Bruaysiens et des villes à l'intour i sont aller minger
in suite in allot monter ale chenile, manèche qui éxiste cor toudis.
cha dot ete l' pus ancien manèche d'el région.

ché pétits chalets pour minger des frites i arsonotent à ché baraquements in bo qu'in avo din ché cités des mines;
Mais mi j'va vous dire que j'ai vu l'patronne del friterie del ducassse l'été dernier au bout dem rue. Ché sin garchon jean-marc qui tient el friterie à côté dech pont in bas del rue du centre (rue Lamendin). In a arparlé de ché ducasses al avo les larmes aux yeux.

y avo a Bruay eine friterie qui éto bin connu aussi chéto chez zaza sul plache du cercle ché jones et moins jones ed l'époque j'cro y ont pris leurs cornets ed frites. Tous ché cornets vides y s'artrouvotte par terre chéto pas toudis propre ech coin la.
A propos commin y s'appelo ech café au cercle intre ech coin del rue Lamendin et des escaliers y éto ténu par un monsieur deja agé et deux filles dont une j'avo fricotté avec. intre el boucherie Legendre et ch'qui est devenu aprés la maxéville

ja pas eu ed réponche a m'demande y a pas d'ancien assez ancien such site mais ja trouvé chéto " chez Simon " pour info