min père
par maurice devos le, 30/03/2012min père flammint d'naissance ya v"nu rester in France à Lens in 1921 yavot 11 ans , à 13 ans y comminchot al fosse
cha a toudis été min seul DIEU , passe que bin qu'ya pas été grammint à l'école, y apprenot vite, même chés langues étrangères, et pi aussi par sin courache au traval et aussi d'vant nos adversaires, cha ya couté ker, in misère et du même coup am'mère, mais à eusse deux y s'ont surmontés tous cha
et un 1948 yé licencié pour fait d'grève, y travaillot à lampistrie au 12 ed'Lens, et ché ch't'année la qu'in a été invoyé mi à Viry Chatillon , et deux d'mes soeurs à Argenteuil
à Viry Chatillon j'etos a mon d'in menuisier ébéniste, des gins très bien, bien qu'j'ai pas d'souvenirs d'eusses, mais j'em rappelle un tiot peu d'l'atelier d'menuiserie et surtout d'chés formidapes z'odeurs ed' bos, j'l'ai cor din min nez, et pi alors cha ché estraordinnaire el'lampe de chevet qu'yavot à coté d'min lit , pourquoi, suremint passeque j'n'avos jamais vu, et bin souvint, quand j'vos l'mienne el soir j'arpinse ach'te lampe ed' chevet
et pi à noël chés gins y z'avotent fait in arpe ed' noël, la aussi cha a été in émerveillemint pour mi, bin j'avos 9 ans, j'n'avos jamais vu, et un plus j'ai eu un jeu d'nain jaune, cha dot ête à partir d'ech'momint la qu'j'ai compris, ou tout au moins comminché à comprinte qu'yavot deux sortes ed'gins, des z'aisés et des crèves la faim
mais quand j'su rintré am'mason 6 mos plus tard , j'ai artrouvé min vrai bonheur, mes disputes avec mes frères et soeurs, min rassacache, em'patate au four avec un sauret, et un tiot morcieau d'paté quand em'mère al avot les moyens, min lait battu , ech't'odeur ed' bistoule, chés zeufs au lait au four etc
j'allos oublier ed' dire qu'min père y ma donné in seul giffe et in seule, y n'da brait et pourtant j'arconnos qu'j'avos tort, complètemint tort
In photo min père avec min neveu et m'nièche , in 1957
Maurice y a l' pudeur d' pas dire qu' sin père i avo été un résistant actif durant la seconte guerre mondiale
( 1 photos)